Takim miqësor me komunitetin e Inovacionit & Sipërmarrjes - Business Magazine Albania

Takim miqësor me komunitetin e Inovacionit & Sipërmarrjes

Të mërkurën më datë 14 tetor në ambjentet e NMES Social Bar u zhvillua një takim miqësor me komunitetin e Inovacionit dhe Sipërmarrjes, organizuar nga Business Magazine Albania.

Ky takim pati si qëllim njohjen e sipërmarrësve me njëri-tjetrin, ndarjen e ideve dhe projekteve aktuale dhe ato të ardhshme, duke diskutuar rreth produkteve apo shërbimeve të tyre për përmirësimin e tyre edhe për mundësi bashkëpunimi.

Gjatë takimit u prezantua dhe programi Elevator LAB nga Raiffeisen Bank Shqipëri dhe Kosovë, për të gjithë ata që kanë një ide ose startup inovator në sektorin bankar dhe finetech. Për të treguar vlerat dhe përfitimet që ka ky program, Genti Zotaj dhe Arben Malasi (të dy fitues të Elevator LAB) prezantuan produktet e tyre, të cilat tashmë janë shëndrruar nga ide në produkte që premtojnë. Genti u prezantua me AILend dhe Arbeni me OpenPay.

Njerëzit që ndajnë të njëjtat mendësi, vizione dhe janë të hapur ndaj përmirësimeve të vazhdueshme dhe rrjetëzimeve me shumë vlerë, zhvillojnë biseda ndryshe, biseda entuziaste dhe shumë largpamëse. Përveç të tjerash kjo ishte ajo që binte më shumë në sy, kur afroheshe t’i dëgjoje. Ky grup mirëpret njerëz të rinj, njerëz që duan të japin shumë  vlerë nga vetja dhe e shohin sipërmarrjen si një mënyrë jetese.

Duke parë se takime të tilla janë të nevojshme dhe të rëndësishme për aktorët e komunitetit, ne synojmë që t’i organizojmë më shpesh për të qënë më në kontakt me njëri-tjetrin dhe për të nxitur projekte që do kenë vlerë jo vetëm për komunitetin por për të gjithë.

Aspironi të bëheni sipërmarrës? Keni një ide inovatore? Jeni profesionistë të shërbimeve financiare, jeni duke ndërtuar një startup të sukesshëm finetech në Shqipëri dhe keni nevojë për partnerë bankarë që t’ju mbështësin?

Nëse po, mos prit asnjë sekondë por APLIKO TANI dhe bëhu pjesë  e programit “Elevator Lab Bootcamp Kosovë & Shqipëri 2020” për ta çuar sipërmarrjen tuaj në një nivel tjetër.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0