Symantec prezanton shërbimin e inteligjencës kibernetike dedikuar bizneseve


Symantec në një njoftim në blog prezantoi Directed Threat Research, një shërbim i thellë analitik i cili ofron informacione të detajuara të sigurisë kibernetike për sipërmarrjet.

Ky është një lajm i mirë për bizneset, të cilët vazhdimisht kanë qenë shënjestër e sulmeve kibernetike vitet e fundit. Sigurisht nuk presim që bizneset të shndërrohen në ekspertë të sigurisë kibernitike brenda natës.

Duhet kohë dhe investim e gjithashtu punësim të profesionistëve të IT-së. Firmat ankohen për mungesën e këtyre individëve dhe se kjo është edhe arsyeja kryesore e kompromentimeve të sigurisë.

Programi i ri i Symantec shfrytëzon Rrjetin Global të Inteligjencës së Symantec për të ofruar informacion për sipërmarrjet. Ky informacion ofron një panoramë të plotë të sulmeve, taktikave dhe dëmit shkaktuar viktimave.

Symantec vuri theksin tek nevoja unike të organizatave për analiza të detajuara të sulmeve kibernetike. A është organizata juaj objektiv i vetëm? Kush është pas sulmeve? Cilat janë qëllimet e sulmeve? A kemi të bëjmë me një fushatë të gjërë?

Pikërisht ky është synimi i Symantec me implementimin e këtij programi të ri.

/PC World Albanian/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale