Nga Eni Muça – Imagjinoni një listë ku miliarderët, sipërmarrësit e rinj dhe liderët e së ardhmes renditen së bashku, duke inspiruar miliona njerëz në mbarë botën. Në këtë skenë globale, shqiptarët po shkruajnë emrin e tyre me gërma të arta. Nga biznesmenë të mëdhenj si Samir Mane deri tek inovatorë të rinj si Kevin Sekniqi e Krissy Çela, këta shqiptarë po lënë gjurmë në ekonominë dhe kulturën botërore. Kush janë ata dhe çfarë i bën kaq të veçantë për t’u renditur mes elitës globale të Forbes?
Njihuni me shqiptarët që po ndërtojnë trashëgiminë e tyre, një sukses në një kohë!
Samir Mane – Miliarderi i parë shqiptar në listën e Forbes (2025)
Në vitin 2025, Samir Mane u bë shqiptari i parë që u përfshi në listën vjetore të miliarderëve të Forbes, me një pasuri të vlerësuar prej 1.4 miliardë dollarësh. Ai renditet në vendin e 2378-të në listën globale të miliarderëve.
Mane është themelues dhe president i BALFIN Group, një nga grupet më të mëdha të investimeve në Ballkan, me aktivitete në sektorë si tregtia me pakicë, pasuritë e paluajtshme, bankat dhe logjistika. Ai filloi karrierën e tij në vitet 1990 duke themeluar kompaninë e pajisjeve elektronike “Neptun” dhe më pas hapi qendrën e parë tregtare moderne në Shqipëri në vitin 2005. Sot, BALFIN operon në mbi 11 vende dhe punëson mijëra njerëz.
Marina Sula – Lista “30 Under 30 Europe” për Art & Kulturë (2018)
E lindur në Lezhë dhe e diplomuar në Universitetin e Vjenës, Marina Sula u përfshi në listën “30 Under 30 Europe” të Forbes në kategorinë Art & Kulturë në vitin 2018. Ekspozita e 26 vjeçares, “Soft Power”, në Galerinë e Gabriele Senn në Vjenë në fund të vitit 2016, u vlerësua për përdorimin e saj të strategjive të reklamimit, performancës së medies sociale dhe afërsisë të dashur në ritualet e tilla si spastrimi i trupit për të shpërndarë dallimet midis një brenda dhe jashtë, privatësinë dhe ekspozimin.Edhe sot vazhdon të merret me ekspozita dhe e fundit që mori pjesë ishte në vitin 2024 në Sophie Gogl, DIANA Gallery, Milano.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
