Suksesi i gruas vjen hap pas hapi


Viti i kaluar ka qenë një kohë e zymtë për fuqizimin e femrave. Nga Marshimi i Grave në Washington janarin e kaluar, në #metoo ne nuk kemi parë t’i kushtohet shumë vëmendje këtij problemi që nga viti 1970.

Por, ndërkohë që këto çështje krijojnë tituj në media, ndryshimi i vërtetë ndodh në përditshmëri. Në fund të fundit, edhe ato nisma madhështore përbëhen nga gjestet e vogla: Gratë vendosin të largohen nga puna dhe të marrin një autobus në Washington për të nisur protestat e tyre. Gratë lëvizin përpara, pavarësisht nga rreziku personal, për të akuzuar burra të fuqishëm.

Në industrinë e teknologjisë, ne ende kemi një rrugë të gjatë për të bërë derisa gratë të vlerësohen njëlloj burrat, por industria është e vetëdijshme për këtë çështje më shumë se kurrë. Ndihem sikur jemi në prag të ndryshimit të vërtetë.

Gratë e vërteta inovatore

Aftësitë në fushën e teknologjisë nuk kanë të mbëjnë me të qenit mashkull. Algoritmi i parë u shkruar nga një grua, Ada Lovelace në vitin 1840. Gjatë Luftë së Dytë Botërore, Jean Jennings Bartik ishte pjesë e ekipit me gjashtë femra matematiciene të cilat krijuan programe për komjuterët e parë elektronikë në botë. Grace Hopper ishte arkitektja e COBOL, e cila përdori më tepër fjalë sesa numra për të programuar kompjuterët.

Por me kalimin e kohës, u bë një fushë më shumë për meshkujt. Djemtë të cilët ishin mirë në matematikë projektuan të ardhmen e tyre në këtë botë. Femrat gjeni të matematikës shkuan kundër rrymës sepse mësuesit, miqtë dhe gradualisht njerëzit që punësonin në këtë fushë mendonin ndryshe.

Ndërkohë që kjo pengoi shumë femra të futen në këtë industri, të tjerat vazhduan të këmbëngulin. Për vajzat e reja, nuk ka krenari më të madhe sesa kur shohin një femër themeluese të një startup-i teknologjik ose një CEO femër në po këtë fushë.

Ja përse kur mendoj për heroizmin e femrave, unë nuk gjej shumë momentet të mëdha. Unë mendoj për nënat që shërbejnë si model për vajzat e tyre për kapërcimin e barrierave. Unë mendoj për gratë që studiojnë deri në orët e vona derisa arrijnë atë që duan. Unë mendoj për investitorët, meshkuj dhe femra, të cilët i ofrojnë femrave sipërmarrëse vëmendjen dhe financimin që ato meritojnë.

Këto momente ndoshta nuk duket sikur janë diçka e jashtëzakonshme, por janë të rëndësishme. Në tërësi, ato çojnë drejt ndryshimeve dhe transformimeve pozitive në botë.

Gëzuar Ditën Ndërkombëtare të Gruas!

Shkrim nga Rudina Seseri, LinkedIn.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale