Suedia mund të bëhet vendi i parë që do të përdorë një monedhë dixhitale kombëtare - Business Magazine Albania

Suedia mund të bëhet vendi i parë që do të përdorë një monedhë dixhitale kombëtare


Suedia do të vendosë nëse do të përdorë një monedhë dixhitale të quajtur “ekrona” brenda dy viteve, sipas një raporti të Financial Times.

Cecilia Skingsley, zëvendës guvernatore e bankës qendrore “Riksbank” të Suedisë , tha në një intervistë për Financial Times se banka është duke shqyrtuar këtë lëvizje pas një rënie dramatike në përdorimin e parave cash. Sasia e kartëmonedhave dhe monedhave në qarkullim ka rënë me 40% që nga viti 2009, me një rritje të blerjeve online dhe pagesave me kartë .

Në qoftë se Suedia zgjedh të prezantojë “ekrona” kjo do të jetë hera e parë që një shtet në botë do t’i japë konsumatorëve qasje të drejtpërdrejtë në para virtuale të lëshuara nga një bankë qendrore. (Riksbank ishte banka e parë qendrore në botë që ka nxjerrë paratë letër, në vitin 1660.)

Skingsley thotë se banka qendrore është në fazat e hershme të eksplorimit të idesë dhe është duke filluar një projekt për të shqyrtuar mundësitë e ndryshme. Çështje të tilla si gjurmimi, metoda e dorëzimit dhe interesi i parasë elektronike do të shqyrtohen. Ajo gjithashtu theksoi se çdo “ekrona” do qëndrojë së bashku me monedhat dhe kartëmonedhat, në vend që t’i zëvendësojë ato.

Bitcoin, monedha më e famshme dixhitale, është ndërtuar mbi bazën e një protokolli të dhënash të njohura si “blockchain”, që është bërë pjesa më e dashur e bankave komerciale në mbarë botën vitin e kaluar.

Burimi: businessinsider.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0