Dy nga aplikacionet tuaja të mediave sociale mund të mbledhin shumë të dhëna për ju dhe ajo që bën njëri prej tyre me këto të dhëna mund të mos ju pëlqejë.
Kjo sipas një studimi të fundit, të publikuar muajin e kaluar nga kompania e marketingut celular URL Genius, e cila zbuloi se YouTube dhe TikTok gjurmojnë të dhënat personale të përdoruesve më shumë se çdo aplikacion tjetër i mediave sociale.
Studimi zbuloi se YouTube, i cili është në pronësi të Google, kryesisht mbledh të dhënat tuaja personale për qëllimet e veta si gjurmimi i historisë suaj të kërkimit në internet, apo edhe vendndodhjes tuaj, për t’ju shërbyer reklama përkatëse. Por TikTok, i cili është në pronësi të gjigantit kinez të teknologjisë ByteDance, kryesisht lejon gjurmuesit e palëve të treta të mbledhin të dhënat tuaja dhe prej andej, është e vështirë të thuhet se çfarë ndodh me to.
Me gjurmuesit e palëve të treta, në thelb është e pamundur të dihet se kush po gjurmon të dhënat tuaja ose çfarë informacioni ata po mbledhin, nga cilat postime ndërveproni dhe sa kohë shpenzoni për secilin e deri te vendndodhja juaj fizike dhe çdo informacion tjetër personal që ndani me aplikacionin.
Siç vuri në dukje studimi, gjurmuesit e palëve të treta mund të gjurmojnë aktivitetin tuaj në sajte të tjera edhe pasi dilni nga aplikacioni.
Lexo edhe: Meta dhe Snapchat e pranojnë: Tiktok është e ardhmja e rrjeteve sociale
Në tetor, Wired publikoi një udhëzues se si TikTok gjurmon të dhënat e përdoruesve, duke përfshirë vendndodhjen tuaj, historikun e kërkimit, adresën IP, videot që shikoni dhe sa kohë kaloni duke i parë ato. Sipas udhëzuesit, TikTok mund të “konstatojë” karakteristikat personale nga mosha juaj deri në gjininë tuaj bazuar në informacionet e tjera që mbledh. Google dhe faqet e tjera bëjnë të njëjtën gjë, një praktikë e quajtur “demografia e konkluduar”.
TikTok ka qenë subjekt i kritikave në të kaluarën për mënyrën se si kompania mbledh dhe përdor të dhëna, veçanërisht nga përdoruesit më të rinj, duke përfshirë pretendimet se kompania ka transferuar disa të dhëna private të përdoruesve në serverët kinezë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
