Stereotipet mbi punësimin sezonal veror në Shqipëri - Business Magazine Albania

Stereotipet mbi punësimin sezonal veror në Shqipëri

Asjola Andrea, kontributore. 

“Ky artikull ka për qëllim ndërgjegjësimin dhe reflektimin nga ana e të rinjve që kërkojnë punë sezonale, ta shikojnë me më shumë seriozitet çështjen e punësimit dhe të fokusohen të kryejnë punën me profesionalizëm se secili paguhet në bazë të meritës”.

Që prej një muaji, bizneset (hotelet/restorantet) në bregdet kanë filluar të interesohen për plotësimin e stafit të tyre. Kërkesat janë të shumta dhe shumë sipërmarrës shprehen se është e vështirë për të gjetur të rinj që të kenë eksperiencë, të kenë dëshirë për të punuar dhe të jenë proaktivë. Duket e thjeshtë, por nuk është e lehtë as për agjensitë e punësimit të gjejnë punonjës, le të themi “të kompletuar”.

Lexo: Mbërrin në Shqipëri turbina e parë e erës

Kërkesat nga ana e bizneseve kanë qenë më shumë për ndihmës kuzhinierë dhe kamarierë, siç shprehet “Almarstaff”, një agjensi punësimi e fokusuar në punësimin sezonal në bregdetin shqiptar.

Një fenomen në rritje është interesi për të punësuar vajza si në kuzhinë dhe në shërbim, por të pakta janë ato që duan të punojnë në sezon, pasi vënë në diskutim kushtet e fjetjes, nëse do jenë dhe vajza të tjera, etj. Pra, ekziston një lloj frike, një pasiguri, se çfarë mund të ndodhë apo çfarë do thonë të tjerët.

Një figurë që po kërkohet shumë është “Hostess” apo mikpritëse e përshtatur në shqip, pranë restoranteve. Në rininë shqiptare kur flitet për hostess, mendohet negativisht, sa që vajza nuk shihet me sy të mirë. Kur flasim për hostess në restorant, bëhet fjalë që ajo të komunikojë me klientët, t’i ftojë brenda në restorant dhe t’i akomodojë në tavolinë. Një punë e bukur dhe fitimprurëse, pasi paguhet me përqindje, e cila është e lartë dhe të motivon të punosh më shumë.

Pagesa me përqindje shfaq një tjetër problem te të rinjtë, pasi ndihen të pasigurtë dhe bazohen vetëm te paga bazë. Nëse nuk ofrohet kjo, mendojnë se nuk do fitojnë asgjë dhe nuk pranojnë të punojnë kur paga është e ulët. Kjo vlen dhe për figurën e picajolit apo edhe kamarierit. Të rinjtë nuk e dinë që kjo formulë page është më e mira sepse të ardhurat tejkalojnë 100.000 lekë në muaj. Të rinjtë nuk kanë eksperiencë dhe nuk janë të mirëinformuar.

Një trend që vihet re te kursantët që studiojnë pranë instituteve kulinare apo ata që sapo kanë përfunduar kursin, mendojnë se me mbarimin e kursit një apo dy vjeçar janë gati të punësohen si shef kuzhine apo kuzhinierë dhe nëse punësohen si ndihmës kuzhinierë pretendojnë paga mbi 50.000 lekë në muaj dhe kur futen në kuzhinë dinë të bëjnë shumë pak. Ka dhe nga ata që nuk duan të pastrojnë, kur dihet që një nga proceset në kuzhinë është dhe mbajtja pastër e saj. Si ndihmës kuzhinier pagat fillojnë nga 30.000 e lart për fillestarët dhe sa më shumë të dish e të punosh aq më shumë paguhesh. Bizneset sot “qahen” se personat që duan të punojnë kanë pak eksperiencë dhe duan të paguhen si profesionistë.

Lexo: Takim me Gani Mehmetaj, fitues i çmimit “Kadare” 2021

Problemi i fundit, por jo më pak i rëndësishëm, që hasin rekrutuesit është korrektësia dhe komunikimi nga ana e të rinjve që aplikojnë për punë. Siç shprehet dhe agjensia “Almarstaff”, disa nuk të përgjigjen më në telefon, disa të thonë në moment të fundit që kanë gjetur një punë tjetër, disa nuk njohin etikë komunikimi, etj. Nuk duhet të mohojmë që ka edhe të rinj që janë të sjellshëm dhe me vullnet për të punuar dhe shpresojmë që të gjithë të përmirësohen në këtë drejtim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0