Prej tre vitesh ajo ka biznesin e saj “Cretivity Zone by Stela”. Në këtë dyqan të sajin, në të cilin Stela bën kryesisht punime të personalizuara, herë pas here në raste festash i duhet të shtojë edhe numrin e stafit të saj, për shkak të kërkesave të larta.
“Unë bëj punime artizanale inovative të përshtatshme për ambiente të jashtme dhe të brendshme të shtëpive apo bizneseve të ndryshme”- thotë Stela për BusinesssMag.al.
Punimet e personalizuar për bebe, çertifikatat e lindjeve, punimet me motive artizanale janë më shumë të kërkuara në dyqanin e saj. Por pavarësisht se një pjesë të punës e bëjnë punonjësit e saj, Stela gjithmonë i shikon vetë detajet dhe i jep dorën e fundit çdo punimi.
Përveç punimeve që ka shumë pasion, ajo ka hapur së fundi qendrën e saj të kurseve kreative. Për BusinessMag.al Stela thotë se krijimi i kurseve kreative, është realizimi i ëndrrës së saj disavjeçare. “Dua t’u jap mundësinë fëmijëve kreativë të gjejnë veten tek unë”, thotë ajo për BusinessMag.al.
Lexo: CREATIVITY ZONE BY STELA – ATY KU ÇDO GJË KTHEHET NË ART
Këto kurse janë risi në zonën e Shkodrës dhe intreresi është i madh. Kjo, përveçse do t’i largojë fëmijët nga smartphone-t dhe do t’i largojë nga rutina e shkollës, do t’i ndihmojë ata të mësojnë dhe punojnë gjëra të reja.
Ato janë kurse argëtuese, ndërtuese, ricikluese dhe ndihmojnë fëmijën të fitojë besim.
Stela vazhdimisht është nderuar me çmime që nga fillimi i karrierës se saj dhe së fundi është nderuar me çmimin “Mjeshtre” nga Dhoma Kombëtare e Zejtarisë.
Punimet e saj, impenjimi dhe inovacioni që sjellin këto punime janë disa nga faktorët që kanë ndikuar në këtë vlerësim.
“Nuk humbet kur rrëzohesh….humbet kur rrëzohesh dhe nuk ngrihesh më”, ky është mesazhi që ka ajo për lexuesin e BusinessMag.al.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
