Tregu i punës dhe zhvillimi i ekosistemit të startupeve në Shqipëri, ishin kryefjala e komunitetit të Businessmag në takimin e fundit. Temat dhe personazhet e trajtuar në numrin 29 të revistës, erdhën në një zhvillim të mëtejshëm, në intervistat live dhe trajtimin e temave përmes pyetje-përgjigjeve.
Një prej shqetësimeve kryesore kohët e fundit është tregu i punës. Gjetja e punonjësve, motivimi i tyre dhe mbi të gjitha, mbajtja e tyre. Pas pandemisë dhe luftës në Ukrainë, sfida e sipërmarrjeve në Shqipëri për të gjetur punonjës është bërë më e lartë. Emigracioni ka ndikuar, ashtu si edhe dinamika e ndryshimeve në tregun e punës. Pyetjes së sipërmarrësve se si mund të rekrutojmë punonjës, coach Elida Motro i përgjigjet duke theksuar se, roli i burimeve njerëzorë duhet të jetë proaktiv. Sipas saj, burimet njërëëzore duhet të jenë atje ku janë talentet, profesionistës: në universitet, në zyrat e punës, etj. Në këtë diskutim nuk munguan shembujt konkretë të menaxhimit dhe motivimit të punonjvësve nga kompani në fushën e teknologjisë së informacionit.
Nga diaspora, sipërmarrësi Micky Haxhiislami, duke sjellë përvojën e tij, ftoi sipërmarrësit e rinj të kenë durim në arritjen e suksesit. Sipas tij, “kushdo duhet të jetë i bindur që me punë, suksesi mbërrin”.
Lexo: Kush qëndron pas “House of Zana”, marka e cila mundi Zara-n në një gjyq për markën tregtare
Lajme të mira vijnë nga ekosistemi i startupeve. Falë mbështetjes së Ministrisë së Sipërmarrjes, së fundi një sërë inkubatorësh janë aktivizuar në vend, duke “zier” idetë, planet dhe ëndrrat e të rinjve për sipërmarrje. Në eventin e Businessmag.al Arbi, Bamllari, themeluesi i startup-it të Skaitech, foli për planet e ardhshme të startup-it, i cili synon të sigurojë dronin e parë shqiptar në Ballkan. Kushtrim Shala, drejtues i ICTS Media dhe ICTS Lab, tregoi se ka një dinamikë shumë të mirë në vend dhe Shqipëria, më shumë se vendet e Ballkanit, po evoluon në fushën e startup-eve. Tregu sipas tij, premton shumë, aq sa mund të identifikohen startupet e parë unicorn.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
