Kush qëndron pas “House of Zana”, marka e cila mundi Zara-n në një gjyq për markën tregtare - Business Magazine Albania

Kush qëndron pas “House of Zana”, marka e cila mundi Zara-n në një gjyq për markën tregtare

House of Zana and Zara

Amber Kotrri është pronare e një butiku të vogël me vendndodhje në Darlington të Anglisë, i cili mban emrin “House of Zana”, çdo ngjashmëri me fjalën shqipe për “Zana” është e vërtetë pasi emri në fakt është përdorur qëllimisht nga fjala shqipe. Bashkëshorti i Amberit është shqiptar dhe emrin ajo e zgjodhi veçanërisht nga gjuha e bashkëshortit të saj. Por, ky emër u bë edhe shkak për një gjyq të gjatë me markën gjigante veshjesh, Zara.

Në një intervistë ekskluzive për Business Magazine, ajo na rrëfen momentin kur mësoi se Zara kishte kundërshtuar regjistrimin e saj të markës tregtare duke pretenduar se “House of Zana” ka mjaft ngjashmëri me markën e tyre për të krijuar konfuzion te klientët.

“Kam marrë kundërshtimin për markën tregtare, por nuk e dija se nga kush ishte. Më pas, avokatët e Zarës më kontaktuan për të më thënë se kisha tre muaj kohë për të mbyllur dyqanin, në të kundërt do të merrnin masa ligjore. Nuk pranova të nënshkruaja marrëveshjen dhe ndodhi ajo që mund të imagjinohej. Më lajmëruan që po ndërmerrnin veprime ligjore. Unë nuk kisha asnjë avokat, aq më pak një ekip ligjor që të më mbështeste, kështu që vendosa të përfaqësoja veten time. Gjithmonë e dija se ata kishin xhepa më të mëdhenj se unë, kështu që mblodha provat e mia dhe në Maj patëm një seancë, ku u prezantuan të gjitha provat.” rrëfen Amber.

Kur mori letrën me vendimin, ajo kishte frikë ta hapte, druhej se mund t’i duhej të mbyllte markën e saj, por ajo thotë se u ndje shumë e lehtësuar kur zbuloi se kishte fituar gjyqin, pavarsisht se e gjithë ngjarja u zhvillua në një periudhë të vështirë për të. Amber është nënë e tre fëmijëve tashmë dhe në periudhën e seancës gjyqësore ajo ishte duke sjellë në jetë fëmijën e tretë.

Lexo: Revista 29 e Businessmag. Biznesi në art, suksesi dhe sfidat

“Unë jam shumë mirënjohës për të gjitha bizneset e vogla që më kanë qëndruar pranë, të gjithë klientët dhe është kaq fantastike të dish se kemi mundur një markë kaq gjigante të modës.”

“House of Zana” filloi rrugëtimin e saj online në vitin 2018 dhe në nëntor 2019 hapën dyqanin e tyre të parë në Darlington. Një vit më pasi hapën edhe një butik në Aeroportin Ndërkombëtar Teesside. Por, vetëm një vit më parë Amber vendosi të regjitrojë markën e saj, por ajo këshillon të gjithë ta bëjnë këtë përpara se të regjistrojnë biznesin e tyre.

E pyetur për arsyet e Zarës për të kundërshtuar regjistrimin e saj të markës tregtare, ajo thotë:

“Sinqerisht nuk i kuptoj shumë arsyet e Zara-s. Kam dëgjuar se ka ekipe të Zara-s që po kërkojnë nëpër marka tregtare për të gjetur kompani si të miat dhe i dërgojnë këto letra për të “mbajtur veten në një punë””.

Amber shprehet se nuk e kishte parë kurrë Zarën si konkurrencën e saj, pasi nuk është në tregun e modës së shpejtë. Biznesi i saj përfaqëson një markë veshjesh të qëndrueshme dhe luksoze. “Ndjej se Zara nuk do të ishte kurrë konkurrenca ime, siç nuk do të isha kurrë e tyre.” përfundon ajo.

E motivuar nga fitorja Amber na tregon për planet e saj për të ardhmen: “Së pari do të bëjmë një festë të madhe për regjistrimin e markës dhe jam e gatshme të ndihmoj këdo që po kalon të njëjtën situatë si unë. Përsa i përket biznesit jemi shumë të motivuar për të vazhduar të rritemi dhe të zgjerohemi.”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0