Giuliomario Limongelli ish CEO i Groupon Itali i ftuar special në Startup Europe Week Tirana

Giuliomario Limongelli ish CEO i Groupon Itali i ftuar special në Startup Europe Week Tirana


Nga 1 deri në 5 shkurt, vullnetarë nga e gjithë Europa do të organizojnë mini-konferencën “Startup Europe Week” nga Amsterdami në Tiranë, Vlorë dhe Shkodër. Ky event mbështetet nga Komisioni Europian dhe vjen në Shqipëri përmes Startups.al. Koordinatori i këtij eventi në Tiranë do të jetë Albi Zhulali.

Ky event do të zhvillohet në Tiranë, në datën 2 shkurt ora 16:30 – 21:00 tek Muzeu Kombëtar. Të ftuar specialë të këtij eventi do të jenë : Kryebashkiaku i Tiranës Erion Veliaj, Ministrja e Inovacionit Milena Harito, CEO i Headhunter Elton Ilirjani, sipërmarrësi dhe aktori Ermal Mamaqi dhe Drejtor i Kolegjit Universum Alejtin Berisha.

Një i ftuar special nga Italia do të jetë Giuliomario Limongelli, i cili është një nga historitë më të suksesshme të biznesit italian. Giuliomario themeloi Citydeal.it e cila 6 muaj më vonë u ble nga Groupon duke e kthyer atë në CEO të Groupon Itali. Giuliomario do të flasë mbi historinë e tij dhe pse ai zgjedh startup-et e jo korporatat.

Giuliomario Limongelli ka lindur në Bari dhe në moshën 18 vjeçare u zhvendos në Milano për të ndjekur Universitetin e Bokonit. Giuliomario pas një eksperience të shkurtër si këshillues biznesi gjatë periudhës së mbrojtjes së diplomës, ju bashkua skuadrës së H3G ( 3 Italia) si menaxher marketingu. Pas 2 vitesh, ai shkoi në Berlin dhe iu bashkua “Jamster International” si menaxher për Spanjën dhe Italinë.  Në fund të vitit 2007 Giulomario lëvizi në Madrid për të financuar degën europiane të Flycell Inc. Ai zgjeroi tregun e kësaj kompanie në Itali, Spanjë dhe Portugali. Në fund të vitit  2009, pas një eksperience 5 vjeçare, u rikthye në Itali dhe themeloi kompaninë citydeal.it. Ai e shiti këtë kompani pas 6 muaj tek Groupon dhe u bë shefi ekzekutiv i Groupon Itali. Kompania Groupon i dha të drejtën Giuliomario-s të ishte menaxheri i gjithë Europës Jugore dhe Lindjes së mesme përfshirë këtu: Italinë, Spanjën, Portugalinë, Greqinë, Turqinë, Izraelin dhe Emiratet e Bashkuara Arabe. Ai hoqi dorë nga ky pozicion në korrik të vitit 2015 dhe tani po ndërton një kompani të re. 

Temat që do të diskutohen në këtë event do të përfshijnë: nismat e Bashkisë së Tiranës dhe Ministrisë së Inovacionit për mbështetjen e sipërmarrësve të rinj dhe startup-eve, si të punësosh ekipin e duhur, roli i teknologjisë në sipërmarrje, kultura e një kompanie dhe shumë histori suksesi në rrugëtimin e biznesit.

Ju mund t’i gjeni biletat  e konferencës në Eventbrite.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0