Që nga viti 2014 kanë pasur 68 ndërmarrje që kanë përfituar. Njëra prej tyre, që merret me prodhimin e produkteve të rezinës dhe plastikës në Shkozet të Durrësit, u vizitua nga Ministrija e Zhvillimit Ekonomik, Milva Ekonomi.
“Ne kemi shpërndarë fonde për 68 kompani që nga viti 2014 dhe shuma që kanë përfituar gjithsej është 72 milionë lekë nga ky fond. Ministria do të vazhdojë mbështetjen, pasi biznesi shqiptar ka nevojë për rritjen e cilësisë së vetë, për të qenë konkurrues në tregun perëndimor”, tha ministrja Ekonomi.
Fondi shqiptar i Konkurrueshmërisë ka si qëllim zhvillimin e ndërmarrjeve të vogla dhe të mesme në Shqipëri. Skema e ndarjes së kostove është 70% nga fondi dhe 30% nga vete biznesi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
