Elon Musk ka thënë se kompania e tij e raketave SpaceX do të pranojë kriptomonedhën dogecoin të frymëzuar nga memet si pagesë.
Në një postim në Twitter Musk tha se firma tregtare e eksplorimit të hapësirës do të nisë “DOGE-1 Mission to the Moon” në fillim të vitit të ardhshëm.
Ky lajm erdhi ndërkohë që dogecoin vazhdoi të binte.
Muajin e kaluar, ai shkroi në Twitter se SpaceX do të vendoste një “Dogecoin të mirëfilltë në Hënë”.
Korporata Energjetike Gjeometrike e Kanadasë lajmëroi për misionin e financuar nga dogecoin të dielën, megjithëse deklarata nuk zbuloi vlerën e saj financiare.
“Ky mision do të demonstrojë përdorimin e kriptovalutave përtej orbitës së Tokës dhe do të vendosë themelet për tregtinë ndërplanetare”,- tha Zëvendës Presidenti i Shitjeve Tregtare të SpaceX, Tom Ochinero në deklaratë.
Lexo: Govcoins: Monedhat digjitale që do të transformojnë financat
Tweet-et e Musk kanë ndihmuar muajt e fundit në kthimin e monedhës digjitale dikur të errët, e cila filloi si një shaka në mediat sociale, në kriptovalutën e katërt më të madhe në botë.
Ajo është rritur me më shumë se 800% gjatë muajit të fundit, me vlerën e saj totale të tregut të rritur në mbi 70 miliardë dollarë, sipas gjurmuesit të të dhënave të kriptomonedhave CoinGecko.com.
Në shkurt, prodhuesi i makinave elektrike Tesla, ku Z. Musk mban rolin e shefit ekzekutiv, tha se bleu bitcoin me vlerë 1.5 miliard dollarë dhe po planifikonte ta pranonte kriptomonedhën si pagesë për automjetet e saj.
Njoftimi u pa si një hap tjetër i madh drejt pranimit të bitcoin dhe ndihmoi për të rritur çmimin e kriptovalutës në një rekord të ri prej gati 62,000 dollarë.
Muajin e kaluar, Tesla njoftoi se fitimet e saj për tre muajt e parë të vitit ishin 438 milion dollarë, nga 16 milion dollarë vitin e kaluar, të mbështetur nga shitjet e Bitcoin dhe kredive mjedisore.
Musk gjithashtu zbuloi të shtunën në një mbrëmje live se ai ka sindromën Asperger. Njerëzit me Asperger interpretojnë mjedisin rreth tyre ndryshe nga njerëzit e tjerë. Mendohet se është hera e parë që Musk flet për gjendjen e tij.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
