Sot është Dita Ndërkombëtare e Grave dhe Vajzave në Shkencë.
Gjatë këtij viti, Organizata e Kombeve të Bashkuara do të zhvillojë aktivitete me temën “Sinergjia e AI, Shkencave Sociale, STEM dhe Financës: Ndërtimi i të Ardhmes Gjithëpërfshirëse për Gratë dhe Vajzat”.
“Ne duhet të sigurohemi që çdo vajzë të mund të imagjinojë një të ardhme në STEM dhe që çdo grua të mund të lulëzojë në karrierën e saj shkencore”, deklaroi sekretari i përgjithshëm i OKB-së, António Guterres.
Lexo edhe: Metoda daneze që ndihmon fëmijët të shkëputen nga telefonat celularë
Ndërsa shoqëritë përballen me pabarazitë në rritje, integrimi i inteligjencës artificiale (AI), shkencave sociale, Shkencës, Teknologjisë, Inxhinierisë dhe Matematikës (STEM) dhe financës shfaqet si një qasje me katër shtylla për të përshpejtuar zhvillimin gjithëpërfshirës dhe të qëndrueshëm.
Inteligjenca Artificiale ofron mjete të fuqishme për analizat e të dhënave, diagnostikimin e shëndetit, modelimin e klimës dhe më shumë; megjithatë, pa ndërhyrje të synuara, përfitimet e saj rrezikojnë të anashkalojnë gratë dhe vajzat. Njohuritë e shkencave sociale udhëheqin hartimin e politikave të barabarta, angazhimin e komunitetit dhe strategjitë e ndryshimit të sjelljes, duke siguruar që inovacionet STEM dhe AI të arrijnë grupet e margjinalizuara.
Një hendek i konsiderueshëm gjinor ka vazhduar gjatë viteve në të gjitha nivelet e disiplinave të shkencës, teknologjisë, inxhinierisë dhe matematikës (STEM) në të gjithë botën. Edhe pse gratë kanë bërë përparim të jashtëzakonshëm drejt rritjes së pjesëmarrjes së tyre në arsimin e lartë, ato ende janë të nën-përfaqësuara në këto fusha.
Barazia gjinore ka qenë gjithmonë një çështje thelbësore për Kombet e Bashkuara. OKB thekson se, barazia gjinore dhe fuqizimi i grave dhe vajzave do të japin një kontribut vendimtar jo vetëm në zhvillimin ekonomik të botës, por edhe në përparimin në të gjitha qëllimet dhe objektivat e Axhendës 2030 për Zhvillim të Qëndrueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
