Departamenti Amerikan i Shtetit do të publikojë sot listën e përgjigjeve për fituesit e lotarisë amerikane.
Përgjigjet që pritet të merreshin më 5 maj, u shtynë për në 6 qershor për shkak të pandemisë së koronavirusit.
Megjithatë DASH, siguroi aplikantët që shtyrja për shkak të koronavirusit nuk do të ndikonte në përzgjedhjen e fituesve.
Duke filluar nga pasditja e kësaj të shtune në orën 18:00, të gjithë qytetarët do mund të njihen me faktin nëse janë fitues apo jo të “Green Card”, apo siç njihet ndryshe si lotaria amerikane.
Lexoni: Diaspora Shqiptare themelon Fondacionin e Shqiptarëve Globalë
Për të parë nëse janë përzgjedhur, të regjistruarit e DV-2021 do të mund të përdorin numrin e tyre unik të konfirmimit të dhënë në regjistrim, duke kontrolluar online Kontrollin e Statusit të të Regjistruarve në faqen zyrtare të E-DV-së.
Lotaria amerikane, ka afro dy dekada e gjysmë që aplikohet edhe nga shqiptarët, që pas mbërritjes së demokracisë.
Viti pas viti me mijëra shqiptarë dhe familjet e tyre janë bërë fitues të kësaj lotarie dhe kanë nisur një jetë të re në SHBA.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
