Organizata për Zhvillimin dhe Kooperimin Ekonomik i rekomandon Shqipërisë që të mbështesë politika të shëndosha për të luftuar informalitetin. Kjo do të nxiste zhvillimin e mëtejshëm të ndërrmarrjeve të vogla dhe të mesme.
Në Tiranë u prezantua raporti i OECD për vendet e Ballkanit Perëndimor, përshfirë Turqinë, mbi situatën e SME-ve. Shqipёria renditet në mes të indeksit. Jemi në pozicion të mirë përsa i përket mjedisit operativ ku zhvillohet bizinesi, kuadrin rregullator dhe prokurimet publike. Ndërsa pozicionohemi poshtë mesatares në inovacion, ekonominё e gjelbër dhe arsimin mbi biznesin dhe gratë sipërmarrëse.
Për OECD vendi ynë duhet të zgjerojë mbështetjen financiare për ndërmarrjet e vogla dhe të mesme si dhe të ngrejë një regjistër falimenti.
“Vlerësohet që në Shqipëri ky sektor të japë një kontribut që shkon rreth 80% nё formimin e GDP-së dhe të punёsojë rreth 40% të të gjithë të punësuarve që janë në tregun e punës në Shqipëri”, tha Milva Ekonomi, ministre Ekonomie.
Sektori i ndërmarrjeve të vogla dhe të mesme në Shqipëri është mjaft i rëndësishëm dhe përfshin bizneset nga 1 deri në 250 të punësuar. Ai ndikoi me 67,7% në rritjen ekonomike të vendit në 2013 dhe mbetet punëdhënësi më i madh. Sipas sektorëve ndërmarrjet e vogla dhe të mesme kryesohen nga tregtia, akomodimi dhe restorantet, për të vazhduar me manifakturën dhe ndërtimin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English