Sipërmarrjet sociale tashmë një risi inovative edhe në Shqipëri - Business Magazine Albania

Sipërmarrjet sociale tashmë një risi inovative edhe në Shqipëri


Ministrja e Zhvillimit Ekonomik, Turizmit, Tregtisë dhe Sipërmarrjes Milva Ekonomi mori pjesë ditën e djeshme në konferencën e titulluar: “Risitë Institucionale për një ekonomi në shërbim të së mirës së përbashkët, rasti i shoqërive benefit në Itali”, e cila u organizua nga Qendra Europiane e Shkencës për Paqe, Integrim dhe Bashkëpunim (CESPIC), pranë Universitetit Katolik “Zoja e Këshillit të Mirë”. 

Në konferencë u diskutua mbi rolin e shoqërive benefit dhe për mundësinë e implementimit të tyre në Shqipëri.

Lidhur me këtë temë, Ministrja Ekonomi tha në fjalën e saj se tashmë falë dhe iniciativës së kësaj qendre, në Shqipëri është miratuar ligji i ndërmarrjeve sociale, i cili është në përputhje me direktivat e BE, një ligj që nënkupton që disa ndërmarrje të krijojnë një njësi të vogël, e cila punëson të varfër, njerëz që nuk kanë aftësi të mjaftueshme për të qenë në tregun e punës.

Ajo shtoi se ligji është një hap i madh përpara për të ndihmuar sadopak grupet e margjinalizuara.

“Për të stimuluar pikërisht përgjegjësinë korporative të ndërmarrjeve, në MZHETTS është hartuar një program pune për periudhën 2015-2020, ku do të ketë edhe më shumë shanse që edukata e përgjegjësisë korporative të bëhet pjesë.

Pra, nga njëra anë të shpërndahet kultura e dijes dhe nga ana tjetër të stimulohen njerëzit që kanë paaftësi”, tha Ministrja Ekonomi në këtë konferencë.

burimi: shqiptarja.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0