Sipërmarrësit shqiptarë në rrugën Enrico Stivenson në Romë - Business Magazine Albania

Sipërmarrësit shqiptarë në rrugën Enrico Stivenson në Romë


Në rrugën Enrico Stevensson, pranë Sheshit Bolonja në Romë, disa të rinj shqiptarë kanë sjellë një frymë të re biznesi. Dinamika, energjia dhe korrektësia që karakterizon shqiptarët ka bërë që zona të marrë një tjetër ritëm ekonomik. Mes bareve, restoranteve, zyrave të arkitekturës dhe projektimit, pikave të ndryshme të shitjes dhe shërbimit ne takojmë Sigrida Shutin dhe Arben Shpatën.

Sigrita çon përpara restorantin e saj, ndërsa Arbeni ka një zyrë projektimi dhe zhvillimi. Ndërkohë që Sigrida u shërben banorëve të zonës dhe turistëve, Arbeni po punon me skuadrat e tij të projektimit në të gjithë Italinë.

Prej 7 vitesh Sigrita Shuti drejton sipërmarrjen e saj. Ajo vjen nga një përvojë që e ka shënuar fort jetën e saj. Studente në infermieri, në vitin 1999 Sigrida i bashkohet skuadrës italiane të Kryqit të Kuq, gjatë pritjeve në Kukës të mijëra kosovarëve. Pas tronditjeve dhe dhimbjeve që pa me sy, Sigrida vendos të ikë në Itali, fillimisht në Gaeta tek kushëria e saj, për t’u zhvendosur përfundimisht në Romë. Në mbrëmjen që e takojmë, kuptojme se vajza që luftoi shumë për të bindur babain të ikë e vetme në Itali, sot rrethohet nga nipër e mbesa, të cilët vijnë dhe e takojnë pasi kanë përfunduar punët, ose janë duke punuar pikërisht në restorantin e saj, si kamarierë e kasierë.

Vakti i ushqimit është një moment për t’u karikuar me energji, por edhe për të pyetur njëri-tjetrin rreth ecurive të punëve. Tek Sigrita shkojmë bashkë me Arbenin, pasi ai mbaron mbledhjet me grupet e tij të punës dhe ka bërë në mëngjes një xhiro në kantieret ku punonjësit e tij janë të angazhuar.

Shpirti sipërmarrës dhe ecuria e mirë e punës në qendrën historike të Romës, nuk e shuan dëshirën e tyre për investuar në Shqipëri, por e pranojnë se mes vlerësimeve, kanë gjetur lehtësisht më shumë mundësi pikërisht në një prej qyteteve më të vjetra e të shtrentja në Botë.

Sigrita tregon se para se të hapte biznesin në Romë bëri një studim tregu në Shqipëri, i cili nuk rezultoi në favor të vendit të saj të lindjes. Arbeni ndërkohë, ende sheh me interes tregun e vendlindjes.

Sipërmarrësit shqiptarë në Itali janë mbi 31 mijë, sipas të dhënave zyrtare të raportuara nga Bashkimi i Dhomave të Tregtisë së Italisë. Ky numër përkon me rreth 25% të ndërmarrjeve aktive sot në Shqipëri. Shpirti sipërmarrës duket më i fortë mes emigrantëve, ku mes 450 mijë të tillëve lindën 31 mijë sipërmarrje, ndërsa mes 2.8 milionë banorëve numërohen rreth 123 mijë biznese.

Sipas të dhënave të Dhomës së Tregtisë, shqiptarët renditen të katërtit mes të huajve në Itali për nga numri i sipërmarrjeve. Emrat shqip të regjistruara në Dhomat e Tregtisë përbëjnë rreth 5% të gjithë ndërmarrjeve të huaja.

Lexo: Arben Shpata, shqiptari që po ristrukturon objektet publike në Itali

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0