Arben Shpata, shqiptari që po ristrukturon objektet publike në Itali


Ambasada të huaja, përfshirë atë shqiptare në Romë, kompani me emër ndërkombëtar dhe këtë vit me gjasa edhe disa prej ministrive italiane, do të “rifreskohen” nga Edilizia Moderna. Kjo është një kompani e themeluar 10 vite më parë nga një shqipar. Quhet Arben Shpata.

Në një intervistë për Businessmag.al, Arbeni tregon se kushtet për të hapur biznesin u maturuan pasi ai punonte për disa vite në rikonstruksion. Sot zyra e tij në Romë numëron rreth 20 të punësuar, mes tyre 3 arkitektë.

Marketingu më i mirë i tij ka qenë puna. Kur e e pyesim si ka arritur të sigurojë klientelën e mjaftueshme për të zhvilluar biznes, në një qytet ku zyrat e arkitekt-design nuk mungojnë, Shpata thotë se, “çdo klient rikthehej sërish për shërbime, dhe sillte edhe klientë të tjerë”.

Lexo: Arredimi është një punë serioze. Ja cilat janë detyrat e një arkitekti, interior design

Sot kushdo paraqitet në zyrën e tij në Romë, edhe përmes fjalëve të mira të shpërndara tek klientët, por edhe sepse ka ngritur një kompani që njihet në mbarë Italinë, me punë të realizuara në qytete të ndryshme.

Një sipërmarrje e konsoliduar në projektim, sigurim të lëndëve të para, punim dhe arredim, sot është në gjendje të lidhë kontrata publike shërbimesh edhe me institucionet qeveritare.
Tashmë ai ka rikonstruktuar ambasadën shqiptare në Romë dhe disa Ambasada të tjera, zyra të kompanive si FastWeb, ndërsa pret të nënshkruajë marrëveshje edhe per rikonstruktimin e disa godinave të ministrive italiane.

Për shkak të kontratave të fundit, z.Shpata pret që këtë vit të dyfishojë numrin e punonjësve, e madje të hapë edhe dy studio të tjera në Romë.

Çfarë e ka çuar atë deri këtu?!: Puna!E bëj më dëshirë, çdo vepër që realizoj e bëj me dëshirë dhe në fund bëj një vlerësim të punës”, thotë Arbeni. Për këtë kanë shkruar edhe disa media Italiane. La repubblica.it, shkruan rreth Arbenit, duke e cilësuar kompaninë e tij si një prej më konkurenteve në Romë.

Por, me gjithë projektet e tij për zhvillim në tregun italian, Arbeni zemrën e ka në Shqipëri. Ai tashmë ka hapur një kompani këtu, dhe parashikon të nisë shpejt punën me të njëjtat shërbime dhe mbi të gjitha cilësi shërbimi, siç punon në Romë.

Kujtojmë se Italia i kushton kujdes të madh ristrukturimit të objekteve, banesave të vjetra, duke u përkjekur të sjellë modernen dhe të rujanë çdo vlerë të vjetër të godinës. Kjo do të ishte një kulturë për t’u përqafuar edhe nga Shqipëria.

 

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale