Sipas një studimi, mediat sociale mund të ndryshojnë opinionet tuaja për politikën - Business Magazine Albania

Sipas një studimi, mediat sociale mund të ndryshojnë opinionet tuaja për politikën


Por gjetjet e fundit nga Pew Research Center tregojnë se e kundërta është e vërtetë, pasi rreth 20% e përdoruesve të mediave sociale thonë se ata kanë ndryshuar qëndrimin e tyre në një çështje politike, për shkak të diçkaje që ata kanë parë në mediat sociale si përshembull në Facebook. Ndryshimi ishte zakonisht pesimist.

“Njerëzit të cilët thanë se kishin ndryshuar mendjen për kandidatët presidencialë theksuan se mediat sociale kishin ndryshuar mendimin e tyre në një drejtim më negativ”, tha hulumtuesja e asociuar e Pew, Monica Anderson në një postim në lidhje me sondazhin.

“Të anketuarit të cilët treguan se kishin ndryshuar mendjen e tyre në lidhje me Clinton ishin tre herë më shumë të predispozuar të ndryshonin mendim në një drejtim negativ sesa në pozitiv (24% kundrejt 7%) dhe të anketuarit të cilët kishin ndryshuar mendje për Trump ishin gati pesë herë më shumë të predispozuar që mendimi i tyre të bëhej më negativ në krahasim me atë pozitiv (19% kundrejt 4%), “shtoi ajo.

Këtu janë disa nga përgjigjet e anketuesve të Pew-së – 4,579 të rritur të zgjedhur rastësisht që jetojnë në familje dhe janë përfaqësues të popullsisë kombëtare:

• “Trump vazhdon të shpreh mendimin e tij tepër “të egër” në lidhje me emigracionin dhe bëri që respekti im për të venitej.”

• “Të gjitha videot që qarkullojnë në lidhje me Hillary Clinton dhe shthurjen e postës elektronike të saj më bënë të mendoj se ajo është edhe më e keqe dhe më e korruptuar sesa mendoja fillimisht.”

• “Video e zezakëve të vrarë nga policia më ka bërë më të zemëruar.”

• ” Fillimisht kam qenë kundër martesës së homoseksualëve por tani e kam pranuar atë.”

Pyetja në thelb është nëse njerëzit mund të ndikohen nga informacioni që ata shofin në mediat sociale. Nëse përgjigja është po, atëherë ne duhet të besojmë në fuqinë e gënjeshtrave virale, që ata përhapin në mediat sociale.

Me kufinj të ndryshëm të gabimit, mostra e Pew-së, në një nivel 95% të besimit, përfshiu 3,571 përdorues të mediave sociale, 3163 prej të cilëve ishin përdorues të Facebook.

Nga popullata e përdoruesve të mediave sociale, 1557 thanë se ata ishin republikan apo republikan me prirje, ndërsa 1.929 ishin demokratë apo të përkulur në atë drejtim.

Ata të cilët ishin të vetë-identifikuar si demokratë liberalë kishin më shumë gjasa të thoshin se kishin ndryshuar mendjen për një çështje politike apo sociale, për shkak të diçkaje që ata panë në mediat sociale, në 25% në përgjithësi. 13% e republikanëve konservatorë thanë të njëjtën gjë.

Mbani mend se shumica dërrmuese – 80% – e individëve të anketuar thanë se kurrë nuk kanë ndryshuar mendimin e tyre për kandidatët për shkak të mediave sociale.

Burimi: mashable.com

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0