Sipas një studimi, këto këngë ju ndihmojnë të largoni stresin


Kur gjërat nuk shkojnë siç duhet në punë, shkollë apo në jetën tonë personale, ne mundohemi të përdorim teknika të ndryshme për të qetësuar nervat.

Stresi ose përkeqëson ose rrit rrezikun e sëmundjeve shëndetësore si sëmundjet e zemrës, obeziteti, depresioni, problemet gastrointestinale, astma, etj.

Ja një këshillë nga shkenca për të larguar stresin: krijoni një listë muzikore me 10 këngët të cilat janë më relaksueset në botë.

Muzika është një mënyrë e thjesht, por shumë efektive, për t’u shkëputur nga email-et, takimet, mbledhjet, afatet, rrjetet sociale dhe presioni e stresi që shkakton secila prej tyre.

Terapia e muzikës njihet si një mënyrë për t’u relaksuar dhe përmirësuar shëndetin. Për shekuj me rradhë, kultura indigjene kanë përdorur muzikën për të rritur mirëqenien dhe për të përmirësuar kushtet shëndetësore.

Tani, psikologët nga Mbretëria e Bashkuar kanë specifikuar cilat melodi janë ato të duhurat për listën tuaj muzikore.

Studimi është kryer me pjesmarrës të cilët duhet të zgjidhin puzzle të vështirë sa më shpejt të ishte e mundur. Këto puzzle shkaktonin një nivel të caktuar stresi dhe pjesmarrësit dëgjonin këngë të ndryshme, ndërkohë që studiuesit masnin aktivitetin e trurit, rrahjet e zemrës, presionin e gjakut dhe shkallën e frymëmarrjes.

Sipas Dr. David Lewis-Hodgson nga Mindlab International, i cili drejtoi këtë kërkim, kënga Weightless nga Marconi Union zvogëloi me 65% ankthin e pjesmarrësve.

Kjo është e mrekullueshme.

Po aq i mrekullueshëm është fakti se kënga në të vërtetë është krijuar për këtë qëllim. Grupi që krijoi

“Weightless”, Marconi Union, e bëri këtë në bashkëpunim me terapistët e tingujve. Harmonitë e kwsaj kënge janë të rregulluara me kujdes, ritmet dhe linjat e basit ndihmojnë në ngadalësimin e rrahjeve të zemrës së dëgjuesit, zvogëlojnë presionin e gjakut dhe ulin nivelin e kortizolit, hormoni i stresit.

“Kënga ‘Weightless’ ishte aq efektive, saqë shumë gra përgjumën dhe unë do të këshilloja të mos e dëgjoni këtë këngë gjatë rrugëtimit tuaj me makinë sepse mund të ishte e rrezikshme,” tha Dr. David Lewis-Hodgson.

Prandaj miq, iu sugjerojmë t’i “përdorini” këto këngë vetëm për të larguar stresin:

10. “We Can Fly” nga Rue du Soleil (Café Del Mar)

9. “Canzonetta Sull’aria” nga Mozart

8. “Someone Like You” nga Adele

7. “Pure Shores” nga All Saints

6. “Please Don’t Go” nga Barcelona

5. “Strawberry Swing” nga Coldplay

4. “Watermark” nga Enya

3. “Mellomaniac (Chill Out Mix)” nga DJ Shah

2. “Electra” nga Airstream

1. “Weightless” nga Marconi Union

/AOL

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale