Sipas INSTAT, paga mesatare rritet me 1300 lekë në 2015-n - Business Magazine Albania

Sipas INSTAT, paga mesatare rritet me 1300 lekë në 2015-n


Në 2015, paga mesatare mujore bruto për një të punësuar në Shqipëri është 46.830 lekë me nje rritje prej rreth 1 mijë e 300 lekësh krahasuar me një vit më parë. Sipas Institutit të Statistikave kjo pagë mbulon të gjithë sektorët e ekonomisë, dhe është llogaritur me të dhënat e deklaruara pranë Tatimeve.

Hendeku gjinor në paga është 7 %. Pra, meshkujt kanë një pagë mesatare mujore bruto 7 % më të lartë sesa femrat. Një vit më parë diferenca ishte 10 përqind nё favor të meshkujve.

Për një të punësuar në ndërmarrjet shtetërore paga mesatare mujore ёshtё bruto mbi mesataren rreth 54.205 lekë.

Pesë grup-profesionet me pagën mesatare mujore bruto më të lartë janë: Drejtues administrativë dhe komercialë; Specialistë të teknologjisë së informacionit dhe komunikimit; Drejtues prodhimi dhe shërbimesh të specializuara; Specialistë të administrimit dhe biznesit; dhe Ligjvënës, nënpunës të lartë të administratës shtetërore dhe drejtorë ekzekutivë.

Paga mesatare mujore bruto është më e ulët për grup-profesionet në të cilat niveli i aftësive të kërkuara është i ulët, të tilla si, prodhues të produkteve bujqësore, blegtorale, të peshkimit për nevoja familjare, punëtorë për shitje dhe shërbime të ndryshme në rrugë, ndihmës në përgatitjen e ushqimit. Lista vazhdon me punonjës të përpunimit të ushqimit, drurit, tekstileve Punonjës të prodhimit të sendeve të imta dhe të punëve me dorë, si artizanёt.

 

/Top-Channel

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0