Në bisedat e përditshm, flasim shpesh për ekuilibrin, duam të gjejmë kohë për gjithçka. Shpesh mendojmë se ekuilibrin e krijojmë me diçka përtej zyrës, përtej punës që jemi mësuar, pra jo thjesht një angazhim sa për të mbushur kohën, por për një angazhim që të mbush shpirtërisht. Mund të jetë kujdesi për familjen, vullnetarizmi, apo pse jo, një hobi.
Lexo gjithashtu: 7 hobi që ju ndihmojnë të jetoni më gjatë
Por a ka rëndësi çfarë hobi zgjedh? Apo mjafton që të merresh me diçka jashtë punës për të qenë më i lumtur? Sipas studimeve të fundit, jo të gjitha aktivitetet na japin të njëjtin nivel lumturie. Disa, për habinë tonë, ndikojnë shumë më tepër.
Lëviz dhe lumturohu
Hobitë që përfshijnë aktivitet fizik, qoftë edhe të lehtë, kanë më shumë gjasa të rrisin ndjeshëm nivelin tënd të lumturisë. Sportet, ecjet, vallëzimi, këndimi, madje edhe udhëtimet për të vizituar vende të veçanta, ndikojnë pozitivisht. Ato e mbajnë trupin aktiv dhe mendjen të angazhuar.
Lexo gjithashtu: Nga pasioni në fitim,7 hapat për të kthyer hobi-n në biznes të suksesshëm
Në të kundërt, hobitë më të qeta si të lexuarit apo të shikuarit e filmave, ndonëse të këndshme, nuk kanë ndikim të madh në mirëqenien emocionale në planin afatgjatë.
Pse ndodh kjo?
Aktiviteti fizik nuk është vetëm i mirë për trupin, por edhe për shpirtin. Të qëndrosh në formë do të thotë të ndihesh më energjik, më i/e gjallë, dhe me më pak stres. Por sekreti tjetër qëndron tek shoqëria, shumë nga këto aktivitete bëhen në grup. Dhe njerëzit, siç thotë shkenca, janë qenie sociale. Ndaj, kur jemi me të tjerët, jemi më të motivuar dhe më të lumtur.
Lexo gjithashtu: Doni të kuptoni nëse biznesin e keni hobi apo biznes të mirëfilltë
Si ta gjesh hobin e duhur?
Nëse qëllimi yt është të gjesh një hobi që të të bëjë realisht më të lumtur, provo diçka që kombinon lëvizjen me shoqërinë. Nuk ka nevojë të vraposh maratonë, një klasë kërcimi, një klub ecjeje, një kor amator apo një grup udhëtimesh të vogla javore mund të jenë zgjedhje ideale.
Sigurisht, librat kanë magjinë e tyre dhe një film i mirë nuk ka të paguar. Por nëse je në kërkim të një ndjesie më të qëndrueshme të kënaqësisë me jetën, lëvizja dhe bashkëveprimi janë çelësat magjikë.
Pra, çfarë po pret? Dil, lëvize, këndo, kërce, luaj dhe do të shohësh si rritet niveli yt i lumturisë, natyrshëm dhe pa receta të komplikuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English