Gabimet janë njerëzore. Fakti që bëni një gabim, nuk do të thotë që të viheni me shpatulla pas murit, por secili duhet të marrë përgjegjësi për atë që bën. Ndonjëherë, edhe mënyra se si reagoni, mund të zbusë pasojat.
Prano vetë gabimin
Mos prit që të tjerët të kapin gabimet e tua. Raportoni vetë për atë që ka ndodhur. Kjo do ju ndihmojë të mbani nën kontroll situatën. Nëse shefi e merr vesh gabimin nga ti, kjo do të thotë se i kushton rëndësi punës dhe je i gatshëm të mbash përgjegjësi. Nëse gabimet dalin në pah nga njerëz të tjerë, të duhet të përballesh me opinionet që ata tashmë kanë kriijuar për ty.
Ruani qetësinë
Ruani qetësinë dhe kontrolloni tonin e zërit që do të përdorni. Nëse reagoni keq edhe të tjerët mund të bëjnë të njëjtën gjë. Tregohuni profesionist në menaxhimin e situatave dhe mos e humbisni kontrollin. Në këtë mënyrë askush nuk do të mund të përgojojë sjelljen tuaj, edhe nëse ata të do merren me problemin që u shkaktua.
Lexo: Gabimet që ju çojnë drejt dështimit
Rregullo gabimin
Kur identifikon gabimin, raporto dhe puno për ta ndrequr sa më shpejt. Nëse ke vështirësi në gjetjen e një zgjidhje, mos ki turp të kërkosh mendimin e të tjerëve. E mira është t’i thoni edhe shefit se po kërkoni zgjidhje, por keni nevojë për disa sugjerime.
Jepi kohë vetes që të mësosh nga gabimet
Në mësojmë nga gabimet. Merrnin kohën e nevojshme për të analizuar situatën ku ndodheni dhe rrethanat në të cilat ndodhi situata. Nuk ishe i vëmendshëm? Po bëje shumë detyra në të njëjtën kohë? Harrove ta shënosh datën në kalendar? Gjej një zgjidhje për problemin që identifikove dhe merr masa për ta parandaluar përsëritjen e tij. Nëse bëhesh shumë i fiksuar pas gabimeve, është e sigurt që do bësh dhe një tjetër. Merrni kohë nga vetja juaj dhe reflektoni. Kjo ndoshta do të jetë më e mira që mund të bëni, për të mos i përsëritur gabime të tilla, e ndoshta edhe më të mëdha.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
