Kjo është një përvojë e frikshme dhe stresuese. Për t’ju ndihmuar të kaloni përmes këtij tranzicioni që ndryshon jetën, këtu janë disa këshilla dhe strategji se si të përfitoni sa më shumë nga puna juaj e re.
Vendosja e qëllimeve
Në këtë pikë të karrierës suaj, një punë duhet të jetë më shumë se disa të ardhura për të paguar faturat. Pse po punoni? Çfarë pritet nga ju? Çfarë doni të arrini në një afat të caktuar? Cilat përvoja po kërkoni të fitoni? Objektivat tuaja të përcaktuara, do t’ju drejtojnë gjatë dy muajve tuaj të parë të një pune të re. Në të vërtetë, këto synime mund t’i merrni edhe ju gjatë 90 ditëve të para, periudhë e cila zakonisht është koha më e “mbushur me rrezik dhe e ngarkuar me mundësi”. Dhe, për t’ju ndihmuar të mbijetoni ato 90 ditë të rëndësishme, është më mirë të arrini fitore të shpejta. Jo vetëm që do t’ju bëjë të ndiheni të përmbushur, por është një mënyrë e shkëlqyer për të krijuar përshtypjet e fillimit.
Shkoni në kohë në punë
Shkoni në kohë në punë. Ju ndoshta jeni tashmë të vetëdijshëm për këtë, por është gjithmonë në interesin tuaj më të mirë për të arritur herët, madje sidomos kur filloni një punë të re. Jo vetëm që jeni në një ndërtesë të re, por ndoshta edhe në një zonë që nuk e njihni. Ju nuk dëshironi të humbni mundësitë që po ju jep vendi i ri i punës. Jepini vetes kohë shtesë në rast se aksidentalisht e “humbni rrugën”, ose duhet të plotësoni ndonjë dokument të rëndësishëm. Gjithashtu, kjo do t’ju japë mundësinë për t’u prezantuar me sigurinë, personelin e mirëmbajtjes ose recepsionistët. Këto janë shumë të rëndësishme për t’u njohur. Jo vetëm që do t’ju drejtojnë në drejtimin e duhur, ato mund të jenë burime të vlefshme informacioni.
Mos jini të padukshëm
Ju thjesht nuk mund të jeni anti social kur jeni në një mjedis të ri pune. Kolegët tuaj do të jenë ata që do t’ju ndihmojnë të socializoheni. Për shembull, ata mund t’u përgjigjen pyetjeve tuaja qoftë më të thjeshtat. Përveç kësaj, do të kalosh shumë kohë me këta njerëz. A nuk doni të krijoni një lloj shoqërie për ta bërë vendin e punës më të këndshëm? Merrni kohë për të mësuar emrat dhe pozicionet e bashkëpunëtorëve tuaj. Dhe kush e di, ju mund të bëni disa miq të rinj. Mos hezitoni të kërkoni që edhe ata të bashkohen me ju për një filxhan kafe ose drekë një ditë.
Perfshihuni
Një mënyrë tjetër për t’u vënë re është duke e lënë punën tuaj të flasë për vete. Në fund të fundit, kjo është ajo për të cilën ju jeni dhe që duhet të bëni, apo jo? Edhe nëse keni pyetje apo shqetësime, shprehini ato. Ndonjëherë mënyra më e mirë për të mësuar është duke punuar. Nuk është turp nëse kërkoni ndihmë, e as të ndani me të tjerët atë që mendoni. Tregojuni të gjithëve atë që dini të bëni më së miri.
Bëni pyetje dhe dëgjoni
Nuk është turp të pyesni. Bashkëpunëtorët tuaj janë të vetëdijshëm se jeni punonjës i ri dhe se ju duhet një periudhë të ambientoheni. Mund të jeni më i miri në atë që bëni, por do t’ju duhet pak kohë t’a shfaqni këtë. Është mirë të jeni i vetëdijshëm. Fakti që pyesni të tjerët, dëgjoni me kujdes dhe përfshiheni në punë do të thotë që ju intereson kjo punë e re.
Lexo: Si të trajtoni një dembel në punë
Mos u përqendroni në të kaluarën
Është e lehtë të mendosh ende për punën tënde të vjetër, ndërsa përshtatesh me punën tënde të re. Kjo ju ofron një farë ngushëllimi. Problemi? Askush nuk dëshiron të dëgjojë për të. Ndërsa kjo mund të tingëllojë e ashpër, është e vërteta. Ju keni lëvizur dhe jeni në një punë të re. Krahasimi i dy punëve do t’ju bëjë të izoloni veten nga ekipi juaj i ri. Në fund të fundit, nëse puna juaj e vjetër ishte kaq e mirë, pse nuk jeni ende aty? Në vend të krahasimit të vendeve të punës, përdorni aftësitë dhe përvojën që keni fituar nga puna juaj e mëparshme. Ju duhet të fokusoheni në punën tuaj aktuale dhe të mos qëndroni në të kaluarën.
Komunikoni me shefin / menaxherin tuaj
Ka shumë prej nesh që kanë frikë të flasin me shefin apo menaxherin, por është një nga mënyrat më të mira për të kuptuar nëse jeni në rrugën e duhur. Kur bëni një pyetje, jepni një raport të shkurtër të statusit, ose kërkoni disa minuta nga koha e tyre dhe do të kuptoni më mirë se si ka qenë performanca juaj. Është një shans i madh për të vlerësuar pikat e forta dhe dobësitë tuaja. Thjesht mos e merrni personale ndonjë gjë që është thënë.
Jini optimist
Fillimi i një pune të re mund të jetë stresuese dhe zhgënjyese, por ky nuk është justifikim për të qenë negativ. Në vend që të mbysni veten nga frika dhe ankthi, fokusohuni tek vetja për të pasur një ditë të mrekullueshme. Ju mund të zbuloni se gjërat shkojnë shumë më mirë kur jeni pozitiv. Përveç kësaj, kush dëshiron të jetë rreth një personi negativ? Qëndrimi optimist mund të jetë nxitje e mjaftueshme për njerëzit që t’ju ndihmojnë në këtë fazë tranzicioni.
Eksploroni
Përdorni kohën gjatë pushimit për të eksploruar punën tuaj të re. Kjo ju jep mundësinë jo vetëm të mësoni rreth punës, por edhe për ambientin ku po kaloni një pjesë të mirë të ditës. Koha e pushimit mund të të ofrojë edhe mundësinë për të takuar njerëz të rinj, me të cilët nuk e keni prezantuar ende veten. Me fjalë të tjera, kjo është një përvojë e të mësuarit, si dhe mundësia për të krijuar njohje të reja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
