Si të merrni vendime të zgjuara gjatë një periudhe kaosi? - Business Magazine Albania

Si të merrni vendime të zgjuara gjatë një periudhe kaosi?

Si të merrni vendime të zgjuara

Nga  DAMON BROWN, sipërmarrës dhe autor

Si mundet një lider biznesi të bëjë strategji të mira gjatë kaosit? Kjo është një pyetje me të cilën shumë prej nesh po përballen, pasi ndodhemi dhe po drejtojmë një ekonomi të paqëndrueshme botërore. Siç e vuri në dukje edhe Mark Kuban, disa nga startup-et më me ndikim sot, filluan pikërisht gjatë recesionit të fundit. Duke ecur përpara, udhëheqësit duhet të respektojnë momentin dhe të punojnë për të ardhmen e biznesit.

Në një intervistë vitin e kaluar, veterani i marketingut Seth Godin, tha se lëvizja tjetër më e mirë vjen nga shtrimi i një pyetjeje të rëndësishme:

A ju besojnë më shumë njerëz dhe ju kushtojnë vëmendje sot sesa gjashtë muaj më parë, dhe Çfarë do të bëni nga tani në gjashtë muajt e ardhshëm në mënyrë që të ndryshojë rrënjësisht numri i njerëzve që besojnë fort tek ju?

Ky ushtrim reflektues është kyç, dhe mendoj se ka dy leksione të mëdha nga kjo deklaratë:

Së pari ndërto besim e më pas vëmendje

Besimi është një produkt më i rrallë sesa vëmendja. Në fakt, besimi të çon në vëmendje. Ju mund të merrni shumë vëmendje, por kjo nuk do të thotë që njerëzit do të dalin nga rruga e tyre, për të punuar me shërbimin tuaj ose për të blerë produktin tuaj. Sidoqoftë, duke ndërtuar besim, mund të krijoni një dialog me klientët tuaj të mundshëm dhe të jeni në krye të vëmendjes kur oferta juaj plotëson nevojat e tyre.

Ndërtimi i besimit kërkon tri veprime:

1-Të shfaqesh për klientin

2- Të jesh i qëndrueshëm me disponueshmërinë dhe mesazhin tënd

3- Të fokusohesh në shërbim më shumë se sa në vetë transaksionin

A keni më shumë besim tani se më parë? Gjashtë muaj janë shumë të mirë për të parë se si ka funksionuar strategjia juaj.

Lexo: Bizneset më të mira këmbëngulin në ruajtjen e ekuilibrit

Tani shiko 6 muaj nga e ardhmja

Nëse tani është verë, cilat janë ato veprime që do të ndërmarrësh tani për të ndërtuar deri në dimër, besim, shërbim dhe vëmendje? Diskutimi automatikisht ndryshon fushën e procesit tuaj të vendimmarrjes.

Aktualisht shumica e botës është ngujuar. Sidoqoftë, në gjashtë muaj, ne me siguri do të jemi në një peizazh të ndryshëm: mbase jashtë izolimit, padyshim më inteligjentë për pandeminë dhe më të përshtatur ndaj një ekonomie të re.

Me fjalë të tjera, bota jonë tani është në tranzicion. Marrja e vendimeve afatshkurtra mund të mos ju ndihmojë të qëndroni gjallë deri në fund të vitit.

Për shembull, folësit profesionistë publikë si unë mund të mos praktikojnë fjalimet publike. Do të zotërojmë të folurën virtuale dhe t’i drejtojmë të gjitha mundësitë tona për të folur në distancë. Por çfarë do të ndodhë sot një vit, kur ato konferenca që janë vonuar papritmas kthehen? Deri atëherë, folësit në skenë do të ishin jashtë praktikës. Në rastin tim, unë po zhvilloj biseda aktive rreth të gjitha angazhimeve të mia të vonuara. Flas dhe praktikoj bisedimet e mia në skenë dhe jam i gatshëm të flas para një audience offline kur bota të jetë gati në një të ardhme të afërt.

Gjërat po ndryshojnë me shpejtësi. Masa më e shpejtë mund të mos jetë drejtimi i biznesit tuaj atje ku janë klientët, por përcaktimi i strategjisë suaj se ku do të jenë.

INC

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0