Si të flisni me fëmijën kur u thotë: ”Unë nuk jam i zgjuar”? - Business Magazine Albania

Si të flisni me fëmijën kur u thotë: ”Unë nuk jam i zgjuar”?

Si të flisni me fëmijën
~3 minuta lexim

Nga Shpresa Rupar

Si të flisni me fëmijën kur u thotë: ”Unë nuk jam i zgjuar”, ”Jam budallaqe!”?

Si i përgjigjeni një fëmije kur ai thotë: ”Unë jam budallaqe!”, ”Unë nuk jam i zgjuar!”, ”Unë jam e shëmtuar!”

Çfarë i thoni që ai të forcojë besimin tek vetja?

Çfarë i thoni që ai të ndihet më konfident?

Jam e sigurt që çdo prind e ka të vështirë kur dëgjon fëmijën e tij që të mendojë dhe të flas gjëra negative për veten.

Reagimi ynë i menjëhershëm është që fëmijës t’ia mohojmë këto lloj deklaratash dhe i themi: ”Jo, nuk je!” , ”Ti je e bukur!” ose ”Ti je i zgjuar” (i talentuar, i aftë…), nuk dua të flasësh më kështu për veten.

Fatkeqësisht kur ne bëjmë këtë gjë, ata nuk i dëgjojmë, nuk i kuptojmë.

Në vend që të sillni argumente për t’u vërtetuar të kundërtën, ose për të mohuar  mendimet e tyre negative, dëgjoni dhe jini empatik.

Ju mund të thoni: ”Më vjen keq që ndihesh kështu. Mendoj se duhet ta kesh të vështirë. Do doja shumë që t’a shikoje veten ashtu si të shikoj unë: fëmijë të sjellshëm, të bukur, të zgjuar, të kujdesshëm, me edukatë, të dashur…”

Ju lutem, mos harroni asnjëherë, që marrëdhënia me fëmijën tuaj varet nga ajo nëse ata e ndjejnë që ju i dëgjoni dhe nëse i kuptoni.

Lexo: “Si të rrisim fëmijë me besim tek vetja”-Trajnimi i specializuar i Shpresa Rupar

Kjo është shumë e rëndësishme.

Sa më shumë t’i dëgjoni pa u munduar që të korrigjoni mendimet dhe ndjenjat e tyre, aq më e fuqishme do të jetë lidhja mes jush.

Ju mund të vazhdoni bisedën duke treguar kuriozitet duke bërë PYETJE (nëse e shikoni që ata janë gati ë flasin për këto mendime negative.)

”Ti mendon se nuk je i/e mirë për këtë. Do që të gjejmë bashkë disa ide se si mund të përmirësosh…?”

”Më vjen keq që mendon kështu. Çfarë të bën që të kesh këtë mendim?”

”Duhet ta kesh shumë ë vështirë. Do të flasësh më shumë për këtë?”

Pra, fëmijëve tuaj në vend që t’iu thoni se çfarë ata DUHET të mendojnë apo të ndjejnë, jepuni mundësinë të flasin. Pranoni ndjenjat e tyre!

Jam e sigurt që nëse përdorni këtë qasje, marrëdhëniet me fëmijët tuaj do kalojnë në një nivel tjetër.

Jam e sigurt që edhe ju, ashtu si qindra nëna dhe baballarë me të cilët punoj, do donit të njihnit më shumë teknika të tilla për qasje ndryshe me fëmijët tuaj.

KLIKONI në linkun KETU, ku gjeni më shumë rreth programit: Si të rrisim fëmijë me besim tek vetja!

Më poshtë, ju lutem më besoni se cila është sfida më e madhe që keni me fëmijën tuaj.

Thjesht klikoni REPLY, dhe unë u përgjigjem.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Suksesi është përbërja e vogël e përpjekjeve të përsëritura çdo ditë.”
— Robert Collier
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0