Sipas Mark Murphy, liderët më të mirë nuk janë ata që flasin me vetëbesim apo kanë CV të shkëlqyer, por ata që investojnë vazhdimisht në zhvillimin e tyre personal dhe profesional. Ata ndjekin trajnime për lidership, lexojnë libra, kërkojnë këshilla dhe pranojnë kritika, jo sepse janë të dobët, por sepse janë të vetëdijshëm që lidershipi është si një muskul që duhet stërvitur vazhdimisht.
Lexo gjithashtu: A je një shef i keq? 10 shenja që s’mund t’i injorosh
Në të kundërt, liderët më të dobët shpesh mendojnë se “dinë gjithçka”, nuk pranojnë kritika dhe shmangin trajnimin. Ky fenomen njihet si efekti Dunning-Kruger, ku njerëzit me më pak aftësi kanë tendencë të mbivlerësojnë vetveten dhe të mos kuptojnë mangësitë e tyre.
Studimet tregojnë se organizatat që kanë liderë që shmangin zhvillimin profesional kanë më pak inovacion dhe më shumë probleme me angazhimin dhe performancën. Ndërsa ata që kultivojnë një kulturë trajnimi të vazhdueshëm, kanë më shumë sukses dhe qëndrueshmëri.
Murphy thekson se trajnimet për lidership nuk duhet të shihen si ndëshkim, por si një strategji elite, një mënyrë për të forcuar edhe më tej një lider të mirë. Sikurse atletët që stërviten për të ruajtur performancën, edhe liderët e vërtetë stërviten për të qenë gjithmonë në nivelin më të lartë.
Lexo gjithashtu: Si një nënë e trajtoi diagnozën e rrallë të vajzës si sfidë biznesi dhe e fitoi?
Mesazhi i tij për drejtuesit e organizatave është i qartë, kontrolloni kush merr pjesë në trajnimet për lidership. Shumë shpesh, kjo listë përputhet me listën e performuesve më të mirë.
Nëse do të dish kush është një lider i shkëlqyer, mos shiko vetëm karizmën apo pozicionin. Pyet: “Kur ishte hera e fundit që mori pjesë në një trajnim për lidership?”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
