Si ndikon të qënurit proaktiv në suksesin tonë - Business Magazine Albania

Si ndikon të qënurit proaktiv në suksesin tonë

proaktiv

 Shkroi Babeta Rexhepi, kontributor

Nëse do të ndodheshit në një situatë konfliktuale me kolegun ose kolegen tuaj gjatë punës, do preferonit të ndiznit debatin për të dalë ju i fituari apo të kuptonit çfarë e shkaktoi këtë debat dhe të tentonit të  zbusnit gjakrat mes jush?

Shpesh është shumë më lehtë dhe më çliruese  të reagosh ndaj situatave sesa të tentosh t’i  parandalosh ato. Edhe pse parimisht ne e dimë se të zgjidhësh problemin duke zbuluar shkakun është mënyra më e mirë, ne në përgjithësi zgjedhim të reagojmë ndaj situatave në vend se si t’i mbajmë nën kontroll ato. Por në fakt e vërteta është se,  kjo nuk është një metodë efektive për zgjidhjen e çështjeve dhe ruajtjen e marrëdhënieve. Ndaj, në këto raste del në pah rëndësia e të  vepruarit në mënyrë Proaktive. Një proaktiv është e kundërta e të qenurit reaktiv.

Të qënurit proaktiv, ju mundëson të zbuloni pse po ndodh një konflikt, ju ndihmon të kuptoni kush është burimi i problemit dhe si ta shikoni situatën në një pamje më të plotë, në mënyrë që të jeni më i përgatitur për ta menaxhuar.

Të jesh proaktiv ka të bëjë me marrjen e përgjegjësisë për jetën tënde. Ju nuk mund të fajësoni per gjithçka prindërit ose rrethanat në të cilën ndodheni. Njerëzit proaktivë e pranojnë se janë «të aftë për të reaguar». Ata nuk fajësojnë gjenetikën, rrethanat, kushtet për sjelljen e tyre. Ata punojnë çdo ditë për të përmirësuar këto rrethana dhe për të rritur performancën e tyre në punë dhe suksesin e tyre në jetë.

Personat proaktivë kanë shumë tipare pozitive ose cilësi të mira brenda tyre sikurse janë:

Ato ndjekin një stil jetese të ekuilibruar në të gjitha aspektet: zgjohen herët në mëngjes, bëjnë ushtrime, ushqehen shëndetëshëm, meditojnë, lexojnë libra mbi zhvillimin personal.

Kanë vetëdije të lartë mbi emocionet e tyre, mbi karakteristikat e tyre të forta dhe të dobëta si dhe kanë vetdije sociale për të kuptuar njerëzit që i rrethojnë.

Janë njerëz kreativë dhe me produktivitet të lartë. Janë strategjikë dhe planifikues. Personi proaktiv gjithmonë bën disa strategji dhe planifikon disa nga strategjitë që do të zbatohen praktikisht.

Lexo: Rrisni produktivitetin tuaj duke ndryshuar mendësinë

Janë inovatorë dhe vizionarë – Parashikojnë  trendet shoqërore, situatat e ardhshme dhe orientohen gjithmonë drejt iniciativave të reja.

Janë objektiv dhe të ekuilibruar – Nuk ngulmojnë në bindjet e tyre, duke u shfaqur as shumë të sigurt, as shumë pesimist, pasi ato janë më shumë të orientuar drejt zgjidhjeve konstruktive

Personi proaktiv gjithmonë përpiqet të fitojnë por u japin edhe  të tjerëve mundësinë  të fitojnë gjithashtu.  Janë empatikë, vihen lehtësisht në pozicionin e tjetrit dhe reagojnë me dhembshuri ndaj tyre.

Janë fleksibël- përshtaten me lehtësi ndaj ndryshimit të situatave.

Janë të sjellshëm dhe me etikë, gjë që i ndihmon për të arritur pozicione drejtuese në të
ardhmen.
Nëse deri tani keni menduar të prisni momentin e duhur për të ndryshuar jetën tuaj, një
proaktiv ju bind për të kundërtën. Ju nuk mund t’ia besoni të vetmen jete që keni rastësisë
apo mrekullive, për ta përmirësuar atë, por vetes tuaj dhe veprimeve që ju zgjidhni të kryeni
sot.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0