Si mund të shisni më shumë, e me çmime të larta ?

Kush është Scott Sorrell? E quajnë ndryshe “Z. Rrit çmimet” (Mr. Charge Higher Prices). Ai ka identifikuar mbi 80 teknika, metoda dhe strategji të ndryshme për t’i bërë klientët të paguajnë më shumë se sa mendonin, e megjithatë të mbeten të lumtur që e bënë këtë. Ai trajnon ekipet e shitjes në SHBA dhe zhvillon trajnime ndërkombëtare. Ka punuar me shumë nga kompanitë më të mira të botës, duke përfshirë Cisco Systems, MetLife, BMW, Rawlings, 3M dhe shumë të tjerë.

Tek të dy trajnimet e tij me temë “Shitjet, Influenca në biznes dhe Real Estate” që u organizuan më datat 16 dhe 17 Tetor në hotel Plaza, kishte mbi 400 pjesëmarrës dhe përfaqësues biznesi të interesuar për të dëgjuar idetë e tij.

Gjatë trajnimeve Scott Sorrell ndau me audiencën ide inovative, teknika dhe strategji të reja shitjesh që ndihmojnë shitësit dhe drejtuesit e bizneseve si të kenë më shumë influencë tek klientët, të gjenerojnë më shumë shitje në mënyrë të vazhdueshme dhe të rrisin çmimet – dhe përsëri klientët blejnë e të mbeten të kënaqur.

/Artikulli u publikua më parë në faqen 27 të numrit 18 të revistës Business Magazine Albania. Ju mund të Shfletoni Këtu

Ja disa nga pyetjet, të cilave Scott Sorrel u dha përgjigje gjatë intervistës së zhvilluar për Business Magazine:

• Cilat janë aftësitë kryesore të shitësve të suksesshëm dhe si mund t’i zhvillojmë këto aftësi?
• Cilat janë disa nga teknikat si mund t’i rrisim çmimet dhe përsëri t’i influencojmë klientët të mbeten të kënaqur për blerjet e tyre?
• Si mund t’i gjenerojmë më shumë klientë të pëlqejnë, besojnë dhe të blejnë produktet/shërbimet tona?
• Si mund të prezantojmë shërbimet tona në mënyrën më efektive për të rritur shitjet?

Shiko intervistën duke klikuar në videon më poshtë:

Trajnimet e Scott Sorrell në hotel Plaza u mundësuan nga organizata profesionale Sotmëria dhe nga agjencia imobiliare Mei Realty.

Artikulli u publikua më parë në faqen 27 të numrit 18 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 18 të saj.