Autoriteti i Shërbimeve Financiare dhe Tregjeve të Belgjikës, FSMA, ribotoi një paralajmërim kundër ofertave mashtruese për të investuar në verë.
“Parimi është gjithmonë i njëjtë: pasi klikoni në një reklamë në rrjetet sociale, merrni një telefonatë nga një tregtar që ju ofron oferta për të investuar në verë dhe ju fton të konsultoheni me një platformë për blerjen dhe shitjen e grands crus”, shpjegoi FSMA.
Këto kompani më pas marrin përsipër të blejnë verën, ta ruajnë atë në një bodrum për klientin, të gjejnë blerës dhe të gjenerojnë fitime të konsiderueshme kapitale. “Këto investime janë shumë të mira për të qenë të vërteta. Jini vigjilentë, sepse pavarësisht premtimeve, nuk do t’ju kthehen kurrë paratë”, paralajmëroi autoriteti.
Kompanitë mashtruese, të raportuara javët e fundit përfshijnë Metropole Conseil dhe Gst Investissement. “Këto kompani janë të palicencuara dhe nuk janë të autorizuara të ofrojnë shërbime investimi në territorin belg,” tha FSMA.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Lojerat e Majas