Shumë nga punonjësit kryesor kanë lënë Apple, por kompania është ende në këmbë
Përditësuar së fundmi: 08/07/2019

Shumë nga punonjësit kryesor kanë lënë Apple, por kompania është ende në këmbë

Share
nga Neada Muçaj
Kor 08, 2019

Sa më shumë ndryshojnë gjërat, aq më të njëjta mbeten.

A është largimi i punonjësve një sinjal negativ për kompaninë?

Këtë herë nga kompania e madhe Apple është larguar një figurë kryesore, Jony Ive Drejtor i Dizajnit në Apple. Disa mendojnë se Ive është personifikimi i një Apple që ka krijuar një standard shumë të lartë dhe cilësor, në formë dhe funksion. Të tjerë shqetësohen se ndoshta kompania nuk do të jetë në gjendje të krijojë pajisje aq të rafinuara pa të.

Apple ka humbur shumë punonjës të rëndësishëm dhe më herët. Edhe pse profili i Ive është ai më i larti, arsyet e largimit janë të njëjta me pjesën tjetër.

“Pas gati 30 vjetësh dhe projekte pafund, unë jam krenar për punën afatgjatë që kemi bërë si ekip dizajni, procesin dhe kulturën në Apple, që është e vetme në llojin e saj,” tha Ive në një deklaratë të publikuar nga Apple. “Sot, jemi më të fortë dhe më të talentuar në gjithë historinë e Apple”.

Apple do të vazhdojë të përfitojë nga talentet e Jony-it duke punuar drejtëpërdrejt me të në projekte ekskluzive dhe përmes punës së vazhdueshme me ekipin e shkëlqyer dhe të talentuar që ai ka krijuar brenda kompanisë.

“Pas kaq shumë vitesh punë së bashku, unë jam i lumtur që marrëdhënia jonë vazhdon të zhvillohet dhe kërkojë që ky bashkëpunim të vazhdojë dhe në të ardhmen”, tha CEO i Apple Tim Cook.

Në vitin 1990, Apple ishte klient i Tangerine dhe Ive, një punonjës i Tangerine, punonte me dizajnet për Power Book-un e Apple. Ive e la Tangerine dhe iu bashkua Apple në vitin 1992 dhe punoi për gjeneratën e dytë Newton dhe MessagePad 110. Disa vite më vonë, Ive u bë drejtues i ekipit të dizajnit në Apple dhe krijoi një seri me dizajne ikonë si iMac, iPod dhe super hiti iPhone.

Ive ka marrë çmime dhe vlerësime të shumta gjatë karrierës së tij, por sot ai synon të krijojë kompaninë e tij, ku mendohet se Apple do të jetë një nga klientët e parë.

/MacWorld