Shqiptaro-amerikani që ka lançuar produktin “Hello” - Business Magazine Albania

Shqiptaro-amerikani që ka lançuar produktin “Hello”


Që me datë 22 korrik 2016 ka filluar fushata e paraporosive dhe mbështetësve të produktit në Kickstarter, duke marrë kërkesa rekorde të porosive për produktin më inovativ të teknologjisë në ditët e fundit.

Ky produkt që transformon TV-të në pajisje profesionale të komunikimit, është lançuar ditë më parë nga themeluesit e rrjetit social Solaborate, Labinot Bytyqi dhe Mimoza Bytyqi. Produkti është ndërtuar nga ekipi i tyre me bazë në Los Angeles në SHBA, Kosovë dhe Maqedoni dhe është mbështetur pa rezervë në Kickstarter për të ngritur fonde dhe për t’a bërë promovimin e inovacionit të saj më të ri.

Kjo pajisë, e nevojshme për çdo familje dhe zyre, transformon çdo TV në një pajisje dhe platformë të plotë të komunikimit; mundëson video-konferenca të kontrolluara me zë dhe mund të përdoret në shtëpi apo zyra moderne. Po ashtu HELLO bën shkëmbimin e ekraneve pa tela (ang. wireless screen-sharing), transmetimin live si dhe ofron mbikëqyrje për siguri me detektues lëvizjesh dhe më shumë.

Fushata e HELLOKickstarter kishte vendosur si synim që brenda 45 ditësh të mblidhte një fond investiv prej 30.000 dollarësh. Por, ky synim është tejkaluar më shumë se 300% duke tre-fishuar këtë shumë që në ditën e parë me kërkesa nga e gjithë bota, duke kaluar çdo pritshmëri me më shumë se 100.000 dollarë të mbledhur brenda 24 orëve.

Nëse ky trend i mbështetjes do të vazhdojë deri në ditët e fundit të fushatës, pritet që të bëhet senzacion i madh në mbarë botën, duke bërë shqiptarët pjesë të skenës teknologjike botërore. Kompania ka bërë të ditur që të gjithë mbështetësve në Kickstarter do t’u jepet një përdorim i pakufizuar jetësor i shërbimeve të HELLO pa kosto shtesë. HELLO do të arrijë tek mbështetësit e saj pas 4 muajve të fushatës tashmë të suksesshme.

“Ne nuk kemi parë asgjë tjetër më të mirë në treg dhe vendosëm ta krijojmë këtë gjë vetë. HELLO është për njerëzit dhe vjen me një çmim të volitshëm – është ndërtuar për bizneset moderne, profesionistët, krijuesit dhe të vetë-punësuarit. HELLO i ul kostot e pajisjes me sisteme për video-konferenca dhe të shërbimeve të IT-së për instalimin dhe mirëmbajtjen e tyre. Ne me të vërtetë jemi duke sjell video-komunikim profesional për të gjithë, kudo dhe në çdo pajisje”, deklaroi themeluesi dhe drejtori ekzekutiv i kompanisë, Labinot Bytyqi.

HELLO përmban katër mikrofonë të mençur, video sensorin me rezolucion 4K dhe procesorin katër-bërthamësh, komponente që punojnë së bashku për të siguruar që secili person në dhomë dëgjohet dhe shihet qartë. HELLO gjithashtu posedon akselerometrin dhe lente lëvizëse; është i lehtë për t’u instaluar dhe vendosur në çdo TV, ndërsa fotografia kapet në cilësinë më të mirë të mundshme.

Burimi: kosovapress.com 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0