Startup-i i themeluar nga shqiptari Daniel Vataj siguron 3.55 milionë dollarë financim për të modernizuar infrastrukturën globale të mesazheve A2P me startupin e tij Sent.
Startup-i me bazë në Nju Jork, Sent, i themeluar nga sipërmarrësi shqiptar Daniel Vataj, ka siguruar 3.55 milionë dollarë në raundin fillestar të financimit (Seed), me një vlerësim prej 18.5 milionë dollarësh. Qëllimi i kompanisë është të revolucionarizojë infrastrukturën e mesazheve A2P (Application-to-Person), përmes një API universal që mbulon SMS, WhatsApp dhe iMessage, duke integruar aftësi të avancuara si routim inteligjent, media të pasura dhe gjurmim të dorëzimit në kohë reale.
Lexo edhe:Një shqiptar në drejtim të komunës Wylie, Texas – Gino Mulliqi emërohet nënkryetar
Ky raund financimi u drejtua nga Companyon Ventures, ndërsa pjesëmarrës ishin edhe emra të njohur si Bessemer Venture Partners, Urban Innovation Fund, CP Overture, dhe Bulletpitch+.
Veçanërisht interesante është pjesëmarrja e Bessemer Venture Partners, që rikthehet në këtë fushë duke mbyllur një “rreth të plotë” – pasi ishte pikërisht kjo firmë që udhëhoqi raundin fillestar të Twilio në vitin 2009, një prej historive më të suksesshme në botën e komunikimit dixhital.
Sent synon të thjeshtojë mënyrën se si bizneset ndërveprojnë me klientët e tyre nëpërmjet platformave të ndryshme të mesazheve, duke ofruar një zgjidhje të vetme, efikase dhe të lehtë për t’u integruar.
Ky financim pritet të ndihmojë Sent në zgjerimin e ekipit teknik, zhvillimin e mëtejshëm të teknologjisë dhe zgjerimin e pranisë së kompanisë në tregjet ndërkombëtare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
