Zvicra ka publikuar për herë të dytë statistikat zyrtare mbi numrin e të huajve që kanë shkelur ligjin dhe janë dëbuar nga vendi. Sipas Sekretariatit Shtetëror për Migracionin (SEM), gjatë vitit 2024 janë urdhëruar 2446 dëbime nga Zvicra.
Deri në mesin e vitit 2025, 69% e tyre e kanë lëshuar Zvicrën, dhe autoritetet presin që kjo përqindje të rritet. Gjatë vitit 2023 ishin regjistruar 2250 urdhra dëbimi, prej të cilëve rreth 73% ishin larguar deri në mesin e vitit 2024, njofton gazeta zvicerane “Blick”.
Lexo edhe: Masat e BSH nuk e ndalojnë dot kredinë për shtëpi, u rrit me 35% për tetorin
Statistika e re tregon edhe origjinën e personave të dëbuar. Shqipëria renditet e dyta në listë, me 11,5% të të gjitha dëbimeve të ekzekutueshme, menjëherë pas Algjerisë (14%). Pas Shqipërisë renditen Rumania (9,6%), Franca (6,4%) dhe Maroku (5,8%). Shumica e të dëburave janë të moshës 25-34 vjeç, ndërsa vetëm 7% e të dëbuarve janë gra.
SEM ka publikuar gjithashtu të dhëna mbi ndalimet e hyrjes në Zvicër. Në vitin 2024 janë vendosur 10’146 ndalime hyrjeje, kryesisht ndaj burrave (83%). Kombësitë më të prekura janë Algjeria (837 raste), Siria (786), Maroku (708), Turqia (700) dhe Afganistani (554).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
