Shqiptarët që zgjodhën Amerikën për të bërë biznes

Shqiptarët që zgjodhën Amerikën për të bërë biznes


Kanë emigruar për arsye ekonomike, politike e sociale dhe ia kanë dalë të ndërtojnë biznese në një nga vendet më të zhvilluara të botës, në Amerikë. Pavarësisht se çfarë sfidash kanë kaluar në jetën e tyre personale e profesionale, me bizneset e tyre kanë krijuar një emer dhe kanë ngritur lart imazhin e vendlindjes së tyre. Më poshtë do të lexoni për disa nga bizneset dhe biznesmenët shqiptarë në Amerikë. 

Familja Bajrami

Desert Sedan Limo(DSL) quhet kompania e familjes Bajrami nga Kosova. Që prej 15 vitesh operojnë me një biznes automjetesh luksoze me qera në Amerikë. Kjo kompani ka nën pronësi 450 automjete dhe 230 të punësuar. Desert Sedan Limo ofron shërbime për klientë të ndryshëm përmes transportit me limuzinë, transportit me autobuzë, me sedane etj. Shërbimi i kësaj kompanie ofrohet edhe në Arizona. Në planet e tyre është një degëzim i biznesit në Shqipëri dhe Kosovë. Puna plani i ri sapo ka filluar. Ata besojnë se brenda 3 vitesh do të jenë të pranishëm edhe në trojet shqiptare.

Lexo:  Pas luftës në Kosovë, vjen suksesi në Amerikë. Historia e sipërmarrjes së familjes Bajrami

Gëzim Gashi ka ëndërruar gjithmonë të jetë sipërmarrës dhe në fakt i’a ka dalë. Ai është shqiptari, i cili njihet në Suedi për “Institutin e ri të Arteve dhe Inovacionit (IAI). Kompania e tij “By Gezim Gashi” në partneritet me Oaks Christian School, themeluan Institutin e ri të Arteve dhe Inovacionit (IAI), i cili hapet në Gusht të këtij viti. Kjo sipërmarrje do të përfshijë degë studimi si songwriting, music production, film, marketing, menaxhim, markë, art vizual, teatër, vetëm për studentë të shkollave të mesme.

Lexo: Shqiptari Gëzim Gashi me pasion dhe punë hap një shkollë arti në Amerikë

Gjergji Dollapi, quhet shqiptari që ka hapur në Amerikë biznesin e quajtur “Cafe Chocolat”.  Kafeneja, është një gërshetim i çokollatave dhe espresso bar. Ai gjendet afër Shtëpisë së Bardhë në kryeqytetin amerikan, por mbi të gjitha në një zonë të shquar për qendra akademike, institute studimesh, qendrash të veprimtarisë diplomatike, muzeume etj. Cafe Chocolat gjendet në adresën 1423 H Street NW, Washington, DC 20005.

Lexo:  Shqiptari Gjergj Dollani hap “Cafe Chocolat”, biznesi që ndodhet vetëm pak metra larg Shtëpisë së Bardhë

Silvana Çumani ka ngritur klinikën e saj dentare në Amerikë. Në 2005 hapi klinikën e saj dentare në South Philly. Në fillim punonte dy ditë në klinikën e saj dhe tre ditë në një klinikë tjetër. Ajo ka rreth 30 punonjës, 12 prej të cilëve shqiptarë. Sot qendra e saj mjekësore: “SILVANA CUMANI DMD AND ASSOC, PC” , ka një emër të nderuar, tanimë jo vetëm midis shqiptarëve por më së miri edhe mes amerikanëve. Raporti i klientëve ka ndryshuar, ku shqiptarët zënë me pak se 30 % të tyre. Klinika është pajisur me aparatura të kohës për kontrollin panoramik tredimesinal. Çdo gjë është e dixhitalizar dhe kompjuterizuar.

Lexo:  Silvana Çumani, sipërmarrësja e suksesshme që operon me klinikën e saj dentare në Amerikë

Jani Boro ka punuar bletar në institucionet shtetërore deri në ndërrimin e sistemit. Në Amerikë shkoi falë një llotarie dhe në vitin 2008, bashkë me gruan e dy djemtë u vendos në qytetin Rochester, në shtetin e New York-ut. Krahas punës që bënte në restorant, nuk e linte pas dore bletarinë që e ka shumë pasion. Në bisedat me shokë e miq, arriti të sigurojë bletë qysh vitin e parë që mbërriti në Amerikë. Sot ka mbi 30 koshere. Duke biseduar me Janin, ai tregon se këtu ka shumë lloj lulesh e pemësh, por sezoni i tyre është i shkurtër, rreth një muaj, pasi bën ftohtë.

Lexo:  Shqiptari, biznes për mbarështimin e bletëve në Amerikë

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0