Shqipëria ndër vendet me më shumë progres në tranzicionin energjetik - Business Magazine Albania

Shqipëria ndër vendet me më shumë progres në tranzicionin energjetik

Shqipëria renditet e 25-a  ndër 115 vende në botë për zhvillimin në Indeksin e Tranzicionit Energjetik. Vendi ynë u rrit me 5.26 pikë krahasuar me të njëjtën llogaritje të një viti më parë, duke arritur tashmë në 66.4 pikë.

Indeksi i Tranzicionit Energjetik merr parasysh tri aspekte që lidhen me sigurinë e energjisë dhe aksesin, zhvillimin ekonomik dhe rritjen si dhe qëndrueshmërinë mjedisore. Ndryshimi në raport matet me një koherencë 10-vjeçare. Ndër vendet e rajonit, Shqipëria renditet pas Kroacisë e cila është listuar në vendin e 23-të me 66.6, duke lënë pas vendet e tjera të cilat kanë bërë ndryshime në masa të papërfillshme.

Gjatë kësaj kohe Shqipëria ka nisur projektet lidhur me tranzicionin energjetik si parqet fotovoltaike në Spitallë dhe Karavasta, termocentralin e Vlorës, hidrocentralin e Skavicës dhe së fundmi linjë energjetike Shqipëri-Maqedoni e Veriut.

Investimet vjetore globale në tranzicionin e energjisë kanë arritur në 500 miliardë dollarë gjatë 2020-s, ndërkohë që përdorimi është ulur në më pak se 800 milionë nga mbi 1.2 miliardë që ishin rreth 10 vite më parë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0