Shqipëria e rregulloi me ligj. Në Maqedoni katër studentë gjejnë zgjidhjen për të formalizuar tregtinë online - Business Magazine Albania

Shqipëria e rregulloi me ligj. Në Maqedoni katër studentë gjejnë zgjidhjen për të formalizuar tregtinë online

 Në Maqedoninë e veriut një start-up nga katër studentë është bërë nëj revolucion në tregun e blerjeve online.

 “Kontrollo më pas blej”www.proveripakupi.mk është një platformë që u mundëson konsumatorëve të blejnë në mënyrë të sigurtë në internet dhe po funksionon prej më shumë se një muaji. Blerësi që dëshiron të paguajë për një produkt ose shërbim online në platformë mund të kontrollojë të dhënat e e-tregtarit (kompanisë) për t’u siguruar që ai është i regjistruar dhe i besueshëm.

Platforma është shpikje e katër studentëve të vitit të katërt – Stefanija Cvetkovska, Simona Milosheska dhe Ana Mateska nga Fakulteti i shkencave informatike dhe inxhinierisë kompjuterike – FINKI dhe Hristina Petkovska nga Fakulteti Ekonomik.

Zgjidhja kreative e ekipit të tyre ishte ndër tre fituesit nga dhjetë që morën pjesë në hakathonin studentor në maj të këtij viti. “Hakoe ekonominë gri në e-tregtinë”. Ata morën një shpërblim prej 1000 euro për të vënë jetë idenë e tyre inovatore.

Hakathoni u organizua nga Asociacioni për e-commerce i Maqedonisë (AETM) me qëllim që studentët të gjejnë një zgjidhje që do të ndihmojë në uljen e ekonomisë informale në tregtinë online. Për funksionalitetin e platformës ata bashkëpunojnë me AETM, e cila u dërgon informacionet që vendosen në këtë shërbim.

Ana Mateska nga FINKI tha për MIA-n se platforma është diçka e re që u mundëson individëve të kontrollojnë lehtësisht e-tregtarët sepse të gjithë janë mbledhur në një vend. Ato mund të kërkohen duke futur një emër ose sipas kategorisë.

Lexo edhe: Tregtia online: vendim i ri për rritjen e sigurisë së konsumatorit

“Qëllimi i zgjidhjes që kemi zhvilluar, platforma e quajtur “Kontrollo më pas blej”, është të mbledhë të gjithë tregtarët online në një vend dhe nëse një individ dëshiron të blejë diçka, ai mund të kontrollojë lehtësisht nëse ai tregtar është i regjistruar dhe nëse është i besueshëm dhe se i mbrohen të drejtat e konsumatorit”, tha Mateska, duke sqaruar funksionimin e këtij projekti jofitimprurës.

Blerjet në këtë mënyrë, thotë ajo, bëhen të sigurta dhe të besueshme, ndërsa përdoruesit e platformës marrin pjesë në luftimin e ekonomisë gri në tregtinë elektronike – një aktivitet i paligjshëm ekonomik me një efekt negativ në shoqërinë në tërësi që ul edhe cilësinë e jetës.

“Qëllimi i platformës është të arrijë tek tregtarët e paregjistruar dhe t’i motivojë ata të regjistrohen në mënyrë që të vlerësohen nga klientët dhe të njihen si tregtarë të besuar, shton Mateska.

Zhurnal

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0