Gjatë viteve të fundit, bashkëpunimi ekonomik mes Shqipërisë dhe Shteteve të Bashkuara të Amerikës është intensifikuar.
Të dhënat zyrtare, tregojnë për një intensifikim të shkëmbimeve tregtare, kryesisht në kahun e eksporteve.
Në vitin 2015, eksportet arritën vlerën e 2.1 miliardë lekëve, ndërsa importet vlerësohen në 8.5 miliardë. Sipas INSTAT-it, gjatë vititi 2014 drejt tregut amerikan u eksportuan 1.4 mld lekë produkte, ndërkohë që në vitin 2015 ekportet u rritën me 700 milionë lekë, duke prekur nivelin e 2,1 miliardë lekëve.
Shqipëria eksporton drejt Shteteve të Bashkuara të Amerikës një gamë të gjerë produktesh, kryesisht ferrokrom dhe produkte ushqimore, si reçel, kërpudha të thara, ujë mineral, lëngje frutash dhe gjithashtu erëza, përfshirë bimët mjekësore. Madje, Shqipëria konsiderohet një tregtues i rëndësishëm i bimëve mjekësore në tregun amerikan. Rritja e eksporteve është favorizuar edhe nga heqja e taksës doganore.
Që prej vitit 2012, Shqipëria ka hyrë në listën e 128 vendeve që mund të përfitojnë nga një sistem preferencial që eliminon taksën doganore për një listë të gjatë produktesh.
Përsa i përket importeve, vlera e tyre në vitin 2014 ka qenë 13.3 miliardë lekë, ndërsa në vititn 2015 zbriti në 8.5 miliardë. Bashkëpunimi ekonomik mes Shqipërisë dhe Shteteve të Bashkuara të Amerikës ka njohur rritje vitet e fundit.
Në vendin tonë operojnë rreth 180 biznese amerikane, qe janë të organizuar në Dhomën Amerikane të Tregtisë, që është edhe një ndër shtyllat kryesore të komunitetit të biznesit në Shqipëri, Ndërkohë që operojne shumë agjenci dhe institucione amerikane qe kanë ndihmuar me fonde në zhvillimin e ekonomisë shqiptare, si USAID, Korporata e Sfidës së Mijëvjeçarit, Fondi Shqiptaro-Amerikan për Ndërmarrjet etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English