Ministri i Bujqësisē, Zhvillimit Rural dhe Administrimit të Ujërave Edmond Panariti, priti sot Guvernatorin e Rajonit të Epirit, Aleksandros Kachrimanis të shoqëruar edhe nga Ambasadori i Republikēs Greke në Shqipëri, Leondas Rokanas.
Ministri Panariti diskutoi me guvernatorin Kahremanis pēr zgjerimin e bashkepunimit midis rajonit të Epirit të Greqisë dhe Shqipërise në fushën e bujqësisë, ushqimit dhe të agropërpunimit.
Sipas njoftimit për shtyp të ministrisë në takim u ra dakord të organizohen së shpejti forume të përbashkëta të biznesit në fushën e blegtorisë, frutikulturës dhe të bimeve mjekësore.
Krijimi i sipërmarrjeve të përbashketa në fushën e bujqësisë veçanërisht në zonat kufitare, do të shihet me përparësi, theksoi ministri Panariti.
Guvernatori Kahremanis, e siguroi ministrin Panariti për mbështetjen e tij dhe të qeverisë greke për nxitjen e sipërmarrjeve dhe të projekteve të përbashkëta në fushën e bujqësisë.
Guvernatori Kahremanis, u angazhua personalisht për tē lehtësuar procedurat dhe rritur punësimin sezonal dhe të përherëshëm të qytetarëve shqiptarë në sipërmarrjet greke në fushën e bujqësisë dhe të agropērpunimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
