Oprah Winfrey, një ikonë globale, një simbol suksesi dhe fuqizimi. Të gjithë e dimë historinë e saj të vështirë, lindur në një qytet të vogël në Mississippi, nga një nënë adoleshente dhe beqare, ajo u përball me varfëri ekstreme dhe abuzime të shumta në fëmijëri. Por ajo kishte diçka që nuk mund të mësohet, ambicie të pakufishme dhe një shpirt luftarak.
Që në të njëzetat, ajo kishte fituar emër si prezantuese lajmesh dhe moderatore. Por pavarësisht suksesit në rritje, ajo ishte ende thjesht një e punësuar. Derisa bëri një lëvizje të mençur që do t’i ndryshonte jetën… dhe pasurinë.
Lexo gjithashtu: Si i përzgjedh Meghan Markle talentet për ekipin e saj?
Çasti i kthesës, kur rasti takohet me vizionin
Në vitin 1984, Oprah mori ofertën për të prezantuar një emision të mëngjesit në Chicago, AM Chicago, që po përjetonte renditje shumë të ulëta. Por, ashtu siç bën vetëm ajo, në pak muaj, emisioni u shndërrua në një sensacion, madje kaloi në renditje edhe vetë Phil Donahue, mbretin e televizionit të ditës.
Lexo gjithashtu: Si arritën dy motrat të kthenin një hotel të lashtë në një destinacion të kërkuar për turistët?
Lëvizja brilante, një fjali që vlen miliona
Pas këtij suksesi, Oprah mori një ofertë sindikimi, një mundësi që shumica e moderatorëve do ta pranonin me sy mbyllur. Por Oprah nuk është si të gjithë.
Në vend që të nënshkruante kontratën standarde, ajo kërkoi të kishte në pronësi një pjesë të të drejtave të emisionit, një kërkesë që në atë kohë ishte thuajse e padëgjuar.
Kjo një fjali në kontratë, ky kusht i vetëm e bëri ndryshimin.
Nga paga… te perandoria mediatike
Në vend që të fitonte vetëm një rrogë, Oprah u bë bashkëpronare e emisionit. Kjo do të thoshte se ajo kontrollonte gjithçka, sindikimin, të ardhurat nga reklamat, drejtimin kreativ, çdo aspekt të programit.
Në vitin 1986, emisioni mori emrin “The Oprah Winfrey Show” dhe shpërtheu në nivel kombëtar, duke u bërë më i ndjekuri në historinë e televizionit të ditës.
Falë pronësisë së përmbajtjes së saj, Oprah fitoi qindra miliona dollarë dhe më vonë krijoi perandorinë Harpo Productions, rrjetin Oxygen, dhe më në fund kanalin e saj televiziv OWN.
Një mësim për çdo sipërmarrës, bëhu zot i asaj që krijon
Oprah nuk u bë miliardere vetëm sepse ishte e talentuar apo karizmatike, ajo u bë miliardere sepse kuptoi rëndësinë e pronësisë së asaj që ndërton. E kuptoi që suksesi afatgjatë nuk qëndron vetëm tek paga, por tek të drejtat, tek aksionet, tek kontrolli.
Pra, herën tjetër që të ofrohet një “marrëveshje e madhe”, mendo si Oprah.
Mbase edhe pasuria jote nis me një fjali të vetme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
