Shpikja e kësaj vere në Japoni: akullorja që nuk shkrihet
Përditësuar së fundmi: 18/08/2017

Shpikja e kësaj vere në Japoni: akullorja që nuk shkrihet

Share
nga Neada Muçaj
Gus 18, 2017

E krijuar nga Biotherapy Development Research CenterJaponi, falë përbërjes së ekstraktit të polifenolit të nxjerrë nga luleshtrydhja. Akullorja e re, risi e kësaj vere është edhe rezistente në diell.

Krijimi erdhi pas dëshirave të vazhdueshme të klientëve për ta zgjatur sa më shumë shijimin e akulllores, sidomos në këto ditë të nxehta të stinës. Shkencëtarët shpikën rastësisht në fakt një akullore që nuk shkrihet.

Fillimi i punës

Për të mbërritur deri te produkti i ri, u kaluan një seri tentativash për një ëmbëlsirë duke përdorur edhe polifenolin. Pastiçierit të cilit iu kërkua kjo lloj ëmbëlsire njoftoi menjëherë qendrën kërkimore japoneze, ku shpjegoi se sapo u injektua Polifenoli i Luleshtrydhes në tortë, ajo u ngurtësua menjëherë.

Si veprojnë përbërësit

Profesor Ota i Universitetit të Kanazaeas tha se polifenoli likuid ka aftësinë të mbajë shumë të lidhur ujin me yndyrën në kremin e akullores. Ndaj përbërësit e akullores do të rezistojnë më shumë nga i nxehti.

Rezultatet konkrete

Pas një testi të kryer, u vërejt se në temperaturë 28 gradë, akullorja rezistoi 5 minuta në diell, duke ruajtur formën dhe freskinë. Shkencëtarët madje flasin për një akullore të mbetur sic ishte në fazën fillestare, për tre orë jashtë nga frigoriferi.

Ëndrra bëhet realitet

Aktualisht në Kanazawa, të Japonisë është bërë më e thjeshtë jeta për dashamirësit e akullores. Përvec zgjatjes së shijes, nuk u duhet të përlyhen më nga shkrirja e ëmbëlsirës freskuese. Biotherapy Development Research Center ka nisur prodhimin dhe shitjen e akullores që nuk shkrihet. Kushton 4 euro për një ëndërr të vogël të bërë realitet. Kjo akullore cilësohet suksesi tregtar i momentit dhe momentalisht shitet vetëm në Japoni.

/Phsy.org