Shpërthen iPhone 6 në duart e 11 vjeçares. Apple po heton shkakun » Business Magazine Albania – Media Dixhitale dedikuar Sipërmarrjes
Përditësuar së fundmi: 19/07/2019

Shpërthen iPhone 6 në duart e 11 vjeçares. Apple po heton shkakun

Share
nga Anerola Torollari
Kor 19, 2019
Studied at Faculty of Science, Content Editor Biznesi at Business Magazine
lexo me teper >

Një vajzë 11-vjeçare ka pohuar se iPhone i ka shpërthyer në duar.

Kayla Ramos po luante me iPhone 6 e saj në dhomën e gjumit në Bakersfield të Kalifornisë, kur vuri re që disa shkëndija po dilnin nga pajisja e saj.

“Isha ulur dhe po mbaja telefonin tim në dorë. Papritur pashë që nga telefoni po dilnin shkëndija dhe menjëherë e hodha mbi batanije,” tha Ramos për ABC News në Kaliforni.

Ramos tha se ndërsa ajo pësoi një djegie të vogël nga shpërthimi, nuk u dëmtua rëndë. Megjithatë, iPhone u dogj.

Një zëdhënës i Apple nuk iu përgjigj menjëherë kërkesës për komente.

Lexoni: Një bug (gabim) në Apple Watch mundësoi përgjimin e iPhone-ve

Nëna e Ramos, Maria Adata, tha se Apple është duke hetuar dhe ka premtuar se do t’i dërgonte një telefon të ri asaj. Ajo tha për ABC News se shpërthimi mund të jetë shkaktuar edhe nga mbingarkimi i pajisjes.

Në një deklaratë për ABC News, Apple shprehu se ka disa faktorë që mund të shkaktojnë një iPhone të mbinxehet. Këto përfshijnë përdorimin e produkteve të palës së tretë të Apple, të tilla si karikuesët, ose riparimet e kryera përmes një kompanie që nuk është e autorizuar nga Apple.

burimi: BusinessInsider