Agjencia Kombëtare e Kërkimit Shkencor dhe Inovacionit ka shpallur 100 projektet fituese ne fushën e kërkimit shkencor, të cilat do të mbështeten me fonde nga buxheti i shtetit.
Kjo është lista e projekteve fituese në fushën e kërkimit shkencor që u shpall këtë të martë nga Agjencia Kombëtare e Kërkimit Shkencor dhe Inovacionit. Janë gjithsej 100 projekte që do të përfijojnë fonde nga buxheti i shtetit me qëllim adresimin e probleme që ka shoqëria.
Projektet fituese që janë aplikuar nga petagogë me grada profesorë e doktorë janë klasifikuar në dy drejtime.90 janë projekte të kërkimit dhe zhvillimit nga universitetet të cilat fokusohen në shqetësimet e vazhdueshme për problemet e ekonomisë, shëndetit, mjedisit dhe energjisë që përjeton sot planeti ynë, ndërsa 10 janë projekte të kërkimit shkencor që zhvillohen si partneritet i universiteteve me biznesin.
Në projektet kërkimore të universiteteve 20% janë në fushën e mjedisit, 25% në fushën e bujqësisë dhe ushqimit dhe 21% në fushën e shëndetit.
Lexo edhe:Para “falas” nga bankomatet irlandeze. Banka kërkon ndjesë: detyrimi bie mbi përfituesit
Ajo që bie në sy është numri i projekteve të financuara që rezulton dy herë më i lartë se ai i vitit të shkuar.
Kërkimi shkencor në vend nuk ka vuajtur ndër vite vetëm mungesën e financimeve, por edhe faktin se shumica e punëve kërkimore që janë bërë në vend kanë qenë abstrakte dhe nuk kanë adresuar problemet që ka shoqëria.
Kërkimi shkencor në vend është bazuar në tre kolona kryesore, ku përfshihen fondet që vijnë nga AKSHI, aplikimet që bëhen për projektet e huaja dhe granti që ka vetë universiteti.
Zakonisht të gjitha projektet janë mbështetur në dy kolonat e para. Shpallja e projekteve fituese është përshëndetur edhe nga ministrja e Evis Kushi, e cila u ka uruar suksese kërkuesve shkencor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
