Gabimi në sistemin e bankometeve të Bankës së Irlandës bëri që klientët që nuk kanë para në llogarinë e tyre të tërheqin deri në 1000 euro.
Pak minuta pasi u përhap lajmi ‘se Banka e Irlandës po jepte para falas’, pati radhë të gjata në ATM në Dublin, ku njerëzit merrnin para që nuk i kishin gjendje në llogarinë e tyre.
Me ndërhyrjen e policisë, u ruajtën bankomatet derisa gabimi teknik në sistem të rregullohej.
Banka e Irlandës ka kërkuar falje për problemin teknik dhe paralajmëron përdoruesit e ATM-ve ose aplikacioneve bankare online se këto para do të debitohen nga llogaritë e tyre.
Në njoftimin e saj thuhet: “Kërkojmë falje për ndërprerjen e shkaktuar nga ky dështim. Ne e dimë se nuk kemi arritur në nivelin e shërbimit që klientët tanë presin nga ne,”
Brendan Burgess, themeluesi i AskAboutMoney.com, tha se banka duhej të përmirësonte sistemin e saj të IT, ndërsa shtoi: “Nëse e dini se nuk keni para, por merrni 1000 euro nga llogaria bankare, jeni duke bërë mashtrim. Dhe ky nuk është një problem që ka të bëjë me sistemet e Bankës së Irlandës.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
