Në shenjë mbështetje, Shoqata e Biznesit Grek në Shqipëri organizoi dhe dërgoi për herë të parë ndihmë humanitare nga Shqipëria për familjet e prekura nga përmbytjet në Greqi. Ky kontribut shpreh ndjeshmërinë e anëtarëve aktivë të cilët e kanë ndjekur me shqetësim situatën e shkaktuar nga stuhia e dytë radhazi që goditi rajonin e Thesalia.
Raste të tilla kërkojnë solidaritet, prandaj disa kompani anëtare të Shoqatës kanë ofruar kontributin e tyre nëpërmjet produkteve ushqimore si: 15,000 shishe ujë, 2,000 kruasan dhe 500 pako biskota. Kompanitë që kontribuan në dërgesën e ndihmave janë: Lajthiza për dhurimin e sasisë së konsiderueshme të ujit; Elka për dhurimin e kruasanëve dhe Partner Ballkanik për dhurimin e pakove me biskota.
Pakot e mbledhura nga kompanitë u shoqëruan deri në kufi nga Presidenti z. Denald – George Tafani, si dhe Drejtoresha Ekzekutive e Shoqatës znj. Erifili Berberi dhe brenda ditës mbërritën në qytetin e Volos, ku u dorëzuan e shpërndanë në vend nga Prefektura e Thesalisë.
Kjo nuk do jetë e vetmja herë që Shoqata do ndihmojë bashkëqytetarët në vështirësi. Në kuadër të përgjegjësisë sociale, kompanitë anëtare janë të angazhuara të shprehin solidaritetin e tyre përmes një tjetër nisme humanitare që do të realizohet ditët e ardhshme.
Shoqata Greke e Biznesit thekson se kapacitetet e saj janë përherë në gatishmëri për t’u përballur me zhvillime të papritura dhe për t’u solidarizuar me shqetësimet e qytetarëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
