Shoqata e Bankave: "Biznesi i madh heziton të ndërmarrë risqe" - Business Magazine Albania

Shoqata e Bankave: “Biznesi i madh heziton të ndërmarrë risqe”


Shoqata e Bankave thotë se ngërçi i kredisë është i lidhur me përgjumjen e biznesit të madh.

“Nuk po lëviz biznesi i madh. Ajo që e ndikon kredinë janë portofolat e mëdha. Projektet e mëdha që ndërmerr biznesi i madh. Nga kontaktet që kemi me bankat vihet re që nuk ka projekte nga këto biznese ende. Por biznesi i vogël dhe deri diku edhe ai i mesëm është duke lëvizur”, u shpreh Spiro Brumbulli, sekretar i përgjithshëm i Shoqatës së Bankave.

Në prill kredia për ekonominë ishte sipas Bankës së Shqipërisë 1.6 për qind më e ulët se një vit më parë. Spiro Brumbulli thotë se bankat janë të hapura për të dhënë kredi të reja, por sipas tij problemi qëndron tek kërkesa.

“Ka një ngërç nga individët dhe nga biznesi për të kryer blerje, për të marrë përsipër risqe, për të kryer investime të reja”, tha Spiro Brumbulli.

Sipas tij, ky hezitim i biznesit dhe individëve për të marrë përsipër risk është i lidhur edhe me atmosferën e përgjithshme të ekonomisë.

“Ndoshta fakti që ekonomia nuk po rritet më shumë se 2 apo 3 për qind, ndoshta fakti që të rinjtë e kanë të vështirë të gjejnë punë, e të tjera arsye krijojnë një lloj pengese për një zhvillim më të zhurmshëm”, shprehet sekretari i përgjithshëm i Shoqatës së Bankave.

Në programin e reformave ekonomike 2016-2018, qeveria e konsideron ngërçin e kredisë si një nga rreziqet më të mëdha për konsolidimin e rritjes ekonomike.

 

/Top-Channel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0