Shifrat e fundit, që raportohen nga firma analitike, Canalys, projektojnë një rënie prej 7% në shitjet globale të kompjuterave, për shkak të tensioneve financiare.
Kategoria është një prej segmenteve të shumta të bizneseve, që janë ndikuar nga masat e marra për shkak të COVID-19. Firma analitike vëren se ndikimi i drejtpërdrejtë i virusit është kryesisht në industri, për shkak të rënies së zinxhirit të furnizimit të Kinës.
Gjithashtu si rezultat i recensionit global, shitjet pritet të vijojnë me rënie sepse njerëzit nuk ka para për të shpenzuar, duke blerë pajisje të reja. Konkretisht në Amerikën e Veriut, rënia ka qenë me 6% ndërsa mbi 40 milionë amerikanë kanë ngelur të papunë që nga fillimi i pandemisë.
Lexoni: Fillon prodhimi i iPhone 12, me çmim dhe teknologji më të mirë
Firma nuk pret një rikuperim të plotë gjatë 2020-ës. Parashikimet janë për 2 vitet e ardhshme ku shumë gjëra mund të ndryshojnë deri atëherë. Rajonet e Azisë Juglindore dhe Kinës do të kenë rënie më të vogla dhe të rikuperohen më shpejt për shkak edhe të një menaxhimi efektiv të krizës.
Vlen të përmendet se industria e PC-ve nuk ishte aq e goditur sa ajo e smartphone-ve. Prodhuesit ishin në gjendje të vazhdonin punën, për shkak të konsumatorëve dhe bizneseve, që blenë pajisje në mënyrë që të përshatnin ambientet e shtëpisë në zyrë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
