Njerëzit shpenzojnë mesatarisht 4.8 orë në ditë në celularët e tyre, sipas firmës së monitorimit të aplikacioneve App Annie.
Në vitin 2020, rregullatori në Mbretërinë e Bashkuar, Ofcom gjeti sasi të ngjashme të kohës së shpenzuar, megjithëse hulumtimi i tij përfshinte dhe kohën e shpenzuar para TV.
Raporti i App Annie tregon se aplikacionet janë shkarkuar 230 miliardë herë në vitin 2021, ndërsa janë shpenzuar 170 miliardë dollarë (125 miliardë paund).
TikTok ishte aplikacioni më i shkarkuar në mbarë botën, me përdoruesit që shpenzonin 90% më shumë kohë krahasuar me vitin 2020.
“Ekrani i madh po vdes ngadalë, pasi celulari vazhdon të thyejë rekorde në pothuajse çdo kategori, me kohën e shpenzuar, shkarkimet dhe të ardhurat”, tha shefi ekzekutiv i App Annie, Theodore Krantz.
Lexo edhe: Google ngre alarmin. Ja 150 aplikacionet e dëmshme që duhet t’i fshini nga telefoni juaj
Firma monitoruese parashikoi se deri në gjysmën e dytë të këtij viti, TikTok do të kalonte 1.5 miliardë përdorues aktivë mujorë.
Koha mesatare e shpenzuar në aplikacionet celulare ishte katër orë e 48 minuta, 30% më shumë nga viti 2019, tregoi raporti i App Annie.
Kjo u llogarit në dhjetë tregje, duke përfshirë Indinë, Turqinë, SHBA-në, Japoninë, Meksikën, Singaporin dhe Kanadanë. Përdoruesit në Brazil, Indonezi dhe Korenë e Jugut kalonin pesë orë në ditë.
Nga kjo kohë, shtatë nga çdo 10 minuta shpenzoheshin në aplikacione sociale, fotografike dhe video, me TikTok kryesues, sugjeron raporti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
