Shfaqet për herë të parë në Shqipëri, filmi artistik në realitet virtual 360º


Teknologjia dhe arti u takuan në shfaqjen premierë të filmit të shkurtër ‘Një Histori nga Cirku’ në sallën e kinemasë Cineplexx në Tiranë.

Për herë të parë njerëzit mund të shikojnë një film të realitetit virtual me paisje të veçanta në vend të ekranit të madh.

“Jam e lumtur që ishim në gjendje të mbështesnim këtë projekt kaq inovativ me një qasje të re në fushën e filmit”, tha Debora Kern, përfaqësuese e Ambasadës Zvicerane.

Gjatë 15 minutave të para, të ftuarit përjetuan një udhëtim virtual përmes eventeve të ndryshme brenda një tende cirku. Teknologjia VR lejon shikuesit të rrotullojnë këndin e pamjes dhe të shohin çfarë ndodh në 360º. Kjo është një mënyrë e re ndryshe nga filmat tradicional, ku kamerat kapin gjithçka që lëviz rreth e rrotull.

Lexoni: Arjeta Dhima në filmin e parë 360°. Intervistë me regjizorin Jonid Jorgji

“Edhe pse modeste, mbështetja jonë shkoi për një ekip të ri që përpiqet të sigurojë jetesën përmes artit. Shpresojmë që realizimi i këtij filmi, të inkurajojë prodhuesit e rinj të filmave që të mësojnë dhe të provojnë më shumë rrugë për të financuar idetë e tyre,” tha Dritan Mezini, drejtor executive i Fondacionit Kulturor Zviceran.

Kjo përvojë e shikimit është bërë e mundur duke kombinuar kamera speciale të përdorura për të krijuar filma dhe paisje individuale VR që shikuesit përdorin gjatë shfaqjes.

/SwissEmbassy

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale